મધ્ય-પૂર્વમાં યુદ્ધ વચ્ચે ચોથા ટેન્કરના સલામત પ્રવાસથી કેન્દ્રને રાહત
પર્યાપ્ત પુરવઠાની કેન્દ્રની હૈયાધારણથી એલપીજીના બૂકિંગ ઘટીને 77 લાખ થયા, લોકોની ગભરાટભરી ખરીદી ઘટી
નવી દિલ્હી: મધ્ય-પૂર્વમાં અમેરિકા, ઈઝરાયેલ અને ઈરાનના યુદ્ધ વચ્ચે સંયુક્ત આરબ અમિરાત (યુએઈ)ના ફુજૈરાથી ભારતીય ધ્વજવાળું એક ઓઈલ ટેન્કર ‘જગ લાડકી’ હોર્મુઝની ખાડીમાંથી સુરક્ષિત નીકળી આવ્યું છે. કેન્દ્ર સરકારે રવિવારે જણાવ્યું કે, ઓઈલ ટર્મિનલ પર હુમલા છતાં જહાજે સુરક્ષિત રીતે ઓઈલ લોડ કર્યું અને ભારત માટે રવાના થઈ ગયું. જગ લાડકી સાથે હોર્મુઝની ખાડીમાંથી ભારતનું ચોથું ટેન્કર સુરક્ષિત નીકળતા કેન્દ્ર સરકારને રાહત થઈ છે. આ સાથે દેશમાં આગામી સમયમાં એલપીજીની અછત દૂર થવાની શક્યતા છે.