ઇન્ડિયન પ્રીમિયર લીગ (IPL) 2026 28 માર્ચથી શરૂ થવાની છે. આ પહેલા સનરાઇઝર્સ હૈદરાબાદે એક મોટી જાહેરાત કરી છે. સનરાઇઝર્સ હૈદરાબાદે તેની ટીમના કેપ્ટનની જાહેરાત કરી છે. શક્તિશાળી બેટ્સમેન ઇશાન કિશનને ટીમની કમાન સોંપવામાં આવી છે. ઇશાન કિશનએ તાજેતરમાં T20 વર્લ્ડ કપ 2026માં બેટથી શાનદાર પ્રદર્શન કર્યું હતું. ઇશાન ઉપરાંત, અભિષેક શર્માને એક મહત્વપૂર્ણ જવાબદારી સોંપવામાં આવી છે. તેમને ઉપ-કેપ્ટન બનાવવામાં આવ્યા છે. સનરાઇઝર્સ હૈદરાબાદે ક્રિસમસના દિવસે નવા કેપ્ટનની જાહેરાત કરી હતી.

ગઈ સીઝન સુધી,ઓસ્ટ્રેલિયન ફાસ્ટ બોલર પેટ કમિન્સ SRH ની કેપ્ટનશીપ કરી રહ્યા હતા, પરંતુ આ સીઝનમાં તે શરૂઆતની કેટલીક મેચોમાં રમી શકશે નહીં.પરિણામે, ટીમે ઈશાન કિશનને કમાન સોંપવાનો નિર્ણય લીધો છે. જોકે પેટ કમિન્સ ટીમમાં જોડાતાની સાથે જ કેપ્ટનશીપ સંભાળશે.ત્યાં સુધી ઈશાન કિશન કેપ્ટનશીપની જવાબદારી સંભાળશે.

પ્રથમ મેચમાં સનરાઇઝર્સ હૈદરાબાદનો મુકાબલો આરસીબી સામે થશે.સનરાઇઝર્સ હૈદરાબાદ 28 માર્ચે તેમના IPL 2026 અભિયાનની શરૂઆત કરશે.ટીમનો પહેલો મુકાબલો બેંગલુરુના એમ ચિન્નાસ્વામી સ્ટેડિયમ ખાતે ડિફેન્ડિંગ ચેમ્પિયન રોયલ ચેલેન્જર્સ બેંગ્લોર સામે થશે.ત્યારબાદ SRH તેમના બીજા મુકાબલામાં કોલકાતાના ઐતિહાસિક ઇડન ગાર્ડન્સ ખાતે કોલકાતા નાઈટ રાઇડર્સ સામે ટકરાશે.ત્રીજા મુકાબલામાં,ઇશાન કિશનની આગેવાની હેઠળની ટીમ હૈદરાબાદમાં લખનૌ સુપર જાયન્ટ્સ સામે ટકરાશે.આ મેચ 5 એપ્રિલે રમાશે.તેમની ચોથી મેચમાં,ટીમ 11એપ્રિલે ન્યૂ ચંદીગઢમાં પંજાબ કિંગ્સ સામે ટકરાશે.

સનરાઈઝર્સ હૈદરાબાદની સંપૂર્ણ ટીમઃ