પોતે જ રચેલી જાળમાં પાક. પોતે જ ફસાયું
દુનિયામાં આતંકવાદથી થયેલા મૃત્યુના 70 ટકા પાકિસ્તાન,બુર્કીના-ફાસો, નાઇજીરીયા, નાઇજર અને ડેમોક્રેટિક રીપબ્લિક ઓફ કોંગોનાં થયા
નવી દિલ્હી : સ્વીડન સ્થિત ઇન્સ્ટીટયુટ ફોર ઈકોનોમિક્સ એન્ડ પીસ દ્વારા પ્રસિદ્ધ કરાયેલ ‘ગ્લોબલ ટેરરિઝમ ઈન્ડેક્સ’માં પાકિસ્તાનને આતંકવાદથી સૌથી વધુ પ્રભાવિત દેશોમાં સ્થાન આપ્યું છે, તે રીપોર્ટ મુજબ ૨૦૨૫માં જ પાકિસ્તાનમાં આતંકવાદથી ૧૧૩૯નાં મૃત્યુ સત્તાવાર રીતે નોંધાયા છે, બિન સત્તાવાર આંક તો આથી પણ વધુ હોવાની પૂરી શક્યતા છે. આ પૂર્વે ૨૦૧૩માં આતંકવાદથી થયેલા ૧૦૪૫ના મૃત્યુના આંકને પણ ૨૦૨૫નો આંક વટાવી ગયો છે. સતત છ વર્ષ સુધી પાકિસ્તાનમાં આતંકવાદથી થયેલાં મૃત્યુનો આંક વધતો જ રહ્યો છે.