– સીઇસી જ્ઞાનેશ કુમારની રાજકીય પક્ષો-અધિકારીઓ સાથે બેઠક 

– મુખ્ય ચૂંટણી કમિશ્નરે બંગાળ સરકારના અધિકારીઓને ધાક-ધમકી આપી, જરા પણ સાંખી નહીં લઇએ : મમતાનો આરોપ

કોલકાત્તા : બંગાળમાં વિધાનસભાની ચૂંટણી પહેલાં મુખ્ય ચૂંટણી કમિશ્નર જ્ઞાનેશ કુમાર બંગાળની મુલાકાતે પહોંચ્યા હતા. તેમણે અધિકારીઓ સાથે બેઠક કરી હતી અને તાકીદ કરી હતી કે બંગાળની ચૂંટણીમાં કાયદો-વ્યવસ્થાની સ્થિતિ જે કોઈ જોખમમાં મૂકશે તેની સામે કડક કાર્યવાહી કરાશે. રાજ્યના ચૂંટણી પંચના અધિકારીઓ સાથે બેઠક કરીને મુખ્ય ચૂંટણી કમિશ્નરે આવનારી ચૂંટણી અંગે જાણકારી મેળવી હતી.