Petrol Diesel Price Hike: એક તરફ યુદ્ધના કારણે દુનિયામાં ક્રૂડ ઓઈલ અને ઈંધણના ભાવ વધી રહ્યા છે. તેવામાં રાહત આપવાના બદલે હિમાચલ પ્રદેશની સરકારે સેવાના નામે નવું ગતકડું કાઢ્યું છે. હિમાચલ પ્રદેશની જનતાને મોંઘવારીનો એક મોટો ઝટકો લાગ્યો છે. આર્થિક સંકટનો સામનો કરી રહેલી કોંગ્રેસ સરકારે પેટ્રોલ અને ડીઝલની કિંમતમાં 5 રૂપિયા પ્રતિ લિટર સુધીનો વધારો કરવાનો નિર્ણય લીધો છે. આ અંગે વિધાનસભામાં બિલ લાવીને તેને પસાર કરી દેવામાં આવ્યું છે. રાજ્ય સરકાર અનાથ બાળકો અને વિધવાઓ માટે નિયમિત આવક ઊભી કરવાના ઉદ્દેશ્યથી ઈંધણ પર ‘અનાથ અને વિધવા સેસ’ (Cess) લગાવવાની વાત કરી છે.