અમદાવાદમાં વધતી ગરમી અને હીટવેવની આગાહી વચ્ચે જિલ્લા શિક્ષણ તંત્ર સતર્ક બન્યું છે. વિદ્યાર્થીઓની સુરક્ષાને ધ્યાનમાં રાખીને જિલ્લા શિક્ષણ અધિકારી (DEO) દ્વારા શાળાઓને ખાસ સૂચનાઓ આપવામાં આવી છે.

વિદ્યાર્થીઓને તડકામાં ઊભા ન રાખવા માટે કડક સૂચના

માહિતી મુજબ આગામી દિવસોમાં ગરમીનું પ્રમાણ વધવાની સંભાવના વ્યક્ત કરવામાં આવી છે. આ સ્થિતિને ધ્યાનમાં રાખીને તમામ શાળાઓને પરીક્ષાર્થી વિદ્યાર્થીઓને તડકામાં ઊભા ન રાખવા માટે કડક સૂચના આપવામાં આવી છે.

સીધા જ વર્ગખંડમાં પ્રવેશ અપાવવામાં આવે

શાળાઓને જણાવવામાં આવ્યું છે કે પરીક્ષા આપવા આવનાર વિદ્યાર્થીઓને સીધા જ વર્ગખંડમાં પ્રવેશ અપાવવામાં આવે જેથી તેઓને તડકામાં રાહ જોવી ન પડે. સાથે સાથે શાળાઓમાં ઠંડા પાણીની પૂરતી વ્યવસ્થા રાખવા માટે પણ આદેશ આપવામાં આવ્યો છે.

પાણી, પંખા તેમજ અન્ય જરૂરી સુવિધાઓ ઉપલબ્ધ રાખવા જણાવાયું

તંત્ર દ્વારા વિદ્યાર્થીઓના આરોગ્યને ધ્યાનમાં રાખીને અનેક સાવચેતીના પગલાં લેવા સૂચના આપવામાં આવી છે. શાળાઓમાં પાણી, પંખા તેમજ અન્ય જરૂરી સુવિધાઓ ઉપલબ્ધ રહે તે માટે ખાસ આયોજન કરવામાં આવી રહ્યું છે.

પરિસ્થિતિ ગંભીર અને ચિંતાજનક

અધિકારીઓએ જણાવ્યું કે હાલ ગરમીની પરિસ્થિતિ ગંભીર અને ચિંતાજનક બની રહી છે, તેથી વિદ્યાર્થીઓને હીટવેવથી બચાવવા માટે તમામ શાળાઓને સતર્ક રહેવું જરૂરી છે.

આ પણ વાંચો—   Ahmedabad : ગુજરાત હાઇકોર્ટનો ઐતિહાસિક મોટો આદેશ, મુસ્લિમ યુવકને હિન્દુ યુવતી સાથે લગ્ન કરવા મંજૂરી