પશ્ચિમ એશિયામાં ઈરાન, ઈઝરાયલ અને અમેરિકા વચ્ચે ચાલી રહેલા યુદ્ધમાં બે ભારતીય નાગરિકો મોત થયા છે અને એક ગુમ છે. ભારત સરકારના વિદેશ મંત્રાલયે બુધવારે જણાવ્યું હતું કે તેઓ ઈમરજન્સીથી પ્રભાવિત ખાડી દેશોમાં ભારતીય નાગરિકોની સુખાકારી અને સલામતીને પ્રાથમિકતા આપી રહ્યા છે. વિદેશ મંત્રાલયના પ્રવક્તા રણધીર જયસ્વાલે પુષ્ટિ આપી હતી કે બે લોકોએ પોતાનો જીવ ગુમાવ્યો છે અને એક ભારતીય હજુ પણ ગુમ છે.
GCC ક્ષેત્રમાં કેટલાક ભારતીયો ઘાયલ થયા છે
જયસ્વાલે કહ્યું, “કાર્ગો જહાજો પર હુમલો થયો ત્યારે ત્રણ ભારતીય નાગરિકો માર્યા ગયા હતા અથવા ગુમ છે.” જયસ્વાલે કહ્યું કે જાનહાનિના અહેવાલો મળ્યા છે. આપણા બે ભારતીય નાગરિકોના મોત થયા છે અને એક ગુમ છે. તેમણે કહ્યું કે આ ઘટના ત્યારે બની જ્યારે તેઓ કાર્ગો જહાજો પર હતા જેના પર હુમલો કરવામાં આવ્યો. GCC ક્ષેત્રમાં કેટલાક ભારતીયો ઘાયલ થયા છે અને તેમની સારવાર ચાલી રહી છે. અમારું કોન્સ્યુલેટ તેમના સંપર્કમાં છે.
તેમણે કહ્યું, “આજે સવારે, તમે એવા અહેવાલો જોયા હશે કે દુબઈમાં એક ભારતીય નાગરિક ઘાયલ થયો છે. અમારું કોન્સ્યુલેટ આ સજ્જનના સંપર્કમાં છે. તેઓ હોસ્પિટલમાં પણ સારવાર લઈ રહ્યા છે અને અમે તેમના સ્વાસ્થ્ય અને સુખાકારીની ખાતરી કરવા માટે નિયમિત સંપર્કમાં છીએ.”
ઘાયલોની સારવાર ચાલી રહી છે
તેમણે વધુમાં જણાવ્યું હતું કે ખાડીમાં ઘાયલ થયેલા કેટલાક ભારતીયોની સારવાર ચાલી રહી છે. ઈઝરાયલમાં ઘાયલ થયેલા એક ભારતીય નાગરિકની હોસ્પિટલમાં સારવાર ચાલી રહી છે, જ્યારે બીજો એક બુધવારે સવારે દુબઈમાં ઘાયલ થયો હતો અને તેની સારવાર ચાલી રહી છે. જયસ્વાલે જણાવ્યું હતું કે આશરે 9,000 ભારતીયો, જેમાં મોટાભાગે વિદ્યાર્થીઓ છે, તે ઈરાનમાં છે.
ઘણા લોકો સરકારી સલાહને અનુસરીને ઘરે પરત ફર્યા છે. કેટલાક હજુ પણ ઈરાનમાં છે અને દૂતાવાસ તેમના નિયમિત સંપર્કમાં છે. “અમે કેટલાક વિદ્યાર્થીઓ અને યાત્રાળુઓને અન્ય શહેરોમાં મોકલ્યા છે. અમારું દૂતાવાસ અલ્જેરિયા અને અઝરબૈજાન માટે જમીન સરહદ ક્રોસિંગમાં મદદ કરી રહ્યું છે, જ્યાં ઘરે પાછા ફરવા માટે ફ્લાઇટ્સ ઉપલબ્ધ છે,”