પાકિસ્તાનને તાજેતરમાં બાંગ્લાદેશ સામેની ODI સિરીઝમાં કારમી હારનો સામનો કરવો પડ્યો હતો. બાંગ્લાદેશે સિરીઝ 2-1થી જીતી હતી. ઢાકામાં બીજી ODI દરમિયાન એક વિવાદ સામે આવ્યો હતો, જેને ક્રિકેટ જગતમાં ચર્ચા જગાવી દીધી. ક્રિકેટના નિયમો માટેનું સંચાલન કરતી સંસ્થા મેરીલેબોન ક્રિકેટ ક્લબે હવે આ બાબતે એક મહત્વપૂર્ણ નિવેદન જાહેર કર્યું છે.

આ ઘટના બાંગ્લાદેશ સામેની બીજી વનડેમાં બની હતી. બોલર મેહદી હસન મિરાઝ બેટિંગ કરી રહેલા મોહમ્મદ રિઝવાનના શોટને રોકવા માટે પીચની વચ્ચે આવ્યો હતો. આ દરમિયાન તે નોન-સ્ટ્રાઈકર એન્ડ પર ઉભેલા સલમાન સાથે અથડાઈ ગયો. અથડામણ પછી સલમાન અલી આગા બોલ ઉપાડવા માટે નીચે ઝૂકી ગયો, કદાચ તેને લાગ્યું કે તે બોલ ડેડ થઈ ગયો છે. પરંતુ તે કંઈ કરી શકે તે પહેલાં મહેદી હસન મિરાઝે ઝડપથી બોલ ઉપાડ્યો અને સ્ટમ્પ પર ફેંક્યો. સલમાન અલી આગા તે સમયે તેની ક્રીઝની બહાર હતો. ત્યારબાદ નિર્ણય થર્ડ એમ્પાયર પાસે ગયો, જ્યાં સલમાનને રન આઉટ જાહેર કરવામાં આવ્યો.

મેરીલેબોન ક્રિકેટ ક્લબે હવે જણાવ્યું છે કે આ નિર્ણય સંપૂર્ણપણે નિયમોની અંદર હતો. MCC મુજબ તે સમયે બોલ ડેડ ન હતો અને બેટ્સમેન ક્રીઝની બહાર હતો. તેથી એમ્પાયર પાસે તેને આઉટ આપવા સિવાય કોઈ વિકલ્પ ન હતો. MCC એ એમ પણ કહ્યું કે જો આગાએ બોલ ઉપાડ્યો હોત, તો તે ફિલ્ડમાં અવરોધક તરીકે આઉટ થઈ શક્યો હોત.

ડેડ બોલ દલીલ ફગાવી દેવામાં આવી

ઘણા લોકોએ દલીલ કરી હતી કે અથડામણ પછી બોલને ડેડ માનવો જોઈતો હતો. પરંતુ MCC એ આ દાવાને નકારી કાઢ્યો. MCC એ જણાવ્યું હતું કે ખેલાડીઓની અથડામણથી બોલ ડેડ થતો નથી. આવા નિયમથી ખેલાડીઓ જાણી જોઈને તેની સાથે અથડાઈ શકે છે. ઓક્ટોબરમાં અમલમાં આવનારા નવા નિયમો હેઠળ પણ આ પરિસ્થિતિમાં બોલને ડેડ માનવામાં આવતો નથી.

સ્પિરિટ ઓફ ક્રિકેટ

નિયમો મુજબ આઉટ થવું યોગ્ય હોવા છતાં MCC એ ક્રિકેટની ભાવનાનો મુદ્દો પણ ઉઠાવ્યો. MCC એ જણાવ્યું હતું કે બાંગ્લાદેશની ટીમ ઈચ્છે તો અપીલ પાછી ખેંચી શકી હોત, કારણ કે સલમાન અલી આગા માનતો હતો કે તે બોલ ડેડ હતો. અથડામણ અજાણતા હતી અને તેને ક્રીઝ પર પરત ફરતા અટકાવી હતી. મેચ પછી સલમાન સલમાન અલી આગાએ પોતે કહ્યું હતું કે જો તે ફિલ્ડર હોત, તો તેને સ્પિરિટ ઓફ ક્રિકેટ બતાવી હોત.

આ પણ વાંચો: Suryakumar Yadav, હાર્દિક પંડ્યા અને શિવમ દુબેએ છોડ્યો ટીમ ઈન્ડિયાનો સાથ, BCCI પર ઉઠ્યા સવાલો!