આસામના સિલચરમાં પીએમ મોદીએ શનિવારે ₹24,000 કરોડના વિકાસ પ્રોજેક્ટ્સનું ઉદ્ઘાટન અને શિલાન્યાસ કર્યો. આ પ્રસંગે તેમના સંબોધન દરમિયાન આસામની બરાક ખીણના મહત્વ પર પ્રકાશ પાડતા પીએમ મોદીએ કહ્યું કે સિલચરને બરાક ખીણના પ્રવેશદ્વાર તરીકે ઓળખવામાં આવે છે. આ એક એવું સ્થળ છે જેણે ભાષા અને સંસ્કૃતિને સુમેળ સાધીને એક અનોખી ઓળખ બનાવી છે.
વિકાસની પરિયોજનાનું કર્યું શિલાન્યાસ
બરાક નદીના ફળદ્રુપ મેદાનો અને સ્થાનિક ચાના બગીચાઓએ આ પ્રદેશના ખેડૂતો, વેપાર માર્ગો અને શૈક્ષણિક સંસ્થાઓને સતત પ્રેરણા આપી છે. આ વિસ્તાર ફક્ત આસામ માટે જ નહીં પરંતુ સમગ્ર ઉત્તર પૂર્વ અને પશ્ચિમ બંગાળ માટે એક કડી તરીકે કામ કરે છે. હું 21મી સદીમાં બરાક ખીણના આ પ્રદેશને વધુ મજબૂત બનાવવા માટે તમારી વચ્ચે આવ્યો છું.
પીએમ મોદીએ યુદ્ધને લઇને દેશમાં વિપક્ષ દ્વારા કરવામાં આવી રહેલી રાજનીતિને લઇને પણ જણાવ્યું હતું. તેમણે કહ્યું કે આજકાલ, સમગ્ર વિશ્વમાં યુદ્ધની સ્થિતિ પ્રવર્તી રહી છે. અમારી સરકાર આપણા દેશના નાગરિકોને શક્ય તેટલી ઓછી મુશ્કેલીઓનો સામનો કરવો પડે તે સુનિશ્ચિત કરવા માટે શક્ય તેટલા બધા પ્રયાસો કરી રહી છે. અમારો ઉદ્દેશ્ય દેશના નાગરિકો પર આ યુદ્ધની અસરને ઓછી કરવાનો છે.
કોંગ્રેસ દેશમાં ભયનો માહોલ ફેલાવી રહી છે- પીએમ મોદી
આ નિર્ણાયક તબક્કે, એવી અપેક્ષા રાખવામાં આવતી હતી કે કોંગ્રેસ પાર્ટી એક જવાબદાર રાજકીય એન્ટિટીની ભૂમિકા ભજવશે. જોકે, કોંગ્રેસ ફરી એકવાર રાષ્ટ્રીય હિતને લગતા આ મહત્વપૂર્ણ કાર્યમાં નિષ્ફળ ગઈ છે. કોંગ્રેસ દેશમાં ગભરાટ ફેલાવવાનો દરેક પ્રયાસ કરી રહી છે, એવી આશામાં કે રાષ્ટ્ર મુશ્કેલીઓમાં ફસાઈ જાય, જેથી તેઓ મોદી પર ગાળો બોલી શકે… વિશ્વભરની જે શક્તિઓ ભારતના ઝડપી વિકાસને પચાવી શકતી નથી, તે કોંગ્રેસ આ જ શક્તિઓના હાથમાં વધુને વધુ કઠપૂતળી બની રહી છે…
આ પણ વાંચો: Shani Asta 2026: 13 માર્ચથી શનિદેવ થશે અસ્ત, આ 3 રાશિએ 35 દિવસ રહેવું પડશે સાવધાન