BKTC પ્રમુખનું નિવેદન વાયરલ થયું છે. જેમાં કહ્યુ છે કે, દર્શન કરવા માટે સનાતની દરજ્જાનો પુરાવો આપવો પડશે.

મંદિર પરિસરમાં પ્રવેશવાનો મામલો

અભિનેત્રી સારા અલી ખાન ચર્ચામાં છે. અભિનેતા સૈફ અલી ખાન અને અમૃતા સિંહની પુત્રી, સારા તેના ધાર્મિક વલણ માટે જાણીતી છે. મંદિરોથી લઈને મસ્જિદો સુધી, સારા દરેક જગ્યાએ જાય છે અને પ્રાર્થના કરે છે. પરંતુ હવે સારાએ તેના સનાતની દરજ્જાનો પુરાવો રજૂ કરવો પડશે. તેમણે જવાબમાં કહ્યું કે બધા સનાતનીઓનું સ્વાગત છે. પરંતુ બિન-સનાતનવાદીઓ અને બિન-હિન્દુઓને મંદિર પરિસરમાં પ્રવેશવાની મંજૂરી આપવામાં આવશે નહીં. સનાતન ધર્મમાં માનનાર કોઈપણ વ્યક્તિ સનાતન છે.

સોગંદનામું આપવું જરુરી

તેમણે સારા અલી ખાનનો ઉલ્લેખ કરતા કહ્યું કે, અભિનેત્રીએ મંદિરમાં પ્રવેશવા માટે તેના સનાતન ધર્મ દરજ્જાને પ્રમાણિત કરતું સોગંદનામું આપવું પડશે. ત્યારે જ તેને પ્રવેશવાની મંજૂરી આપવામાં આવશે. હેમંતે કહ્યું, જો સારા અલી ખાન પણ જાહેર કરે છે કે તેણી સનાતન ધર્મમાં વિશ્વાસ ધરાવે છે અને અમને સોગંદનામું આપે છે, તો અમે તેને પણ દર્શન કરવાની મંજૂરી આપીશું.

ગંગોત્રી અને યમુનોત્રી મંદિરના ખુલશે દ્વાર

સારા અલી ખાને ગયા વર્ષે ચારધામ યાત્રા કરી હતી અને તેના ઇન્સ્ટાગ્રામ એકાઉન્ટ પર ઘટનાના ઘણા ફોટા અને વીડિયો શેર કર્યા હતા. સારા અલી ખાનની ચારધામ યાત્રા વિશે પૂછવામાં આવતા, BKTC પ્રમુખે સોગંદનામાનો ઉલ્લેખ કર્યો. 19 એપ્રિલે અક્ષય તૃતીયાના શુભ પ્રસંગે ગંગોત્રી અને યમુનોત્રી મંદિરોના દરવાજા ખુલશે. ત્યારબાદ 22 એપ્રિલે કેદારનાથ મંદિરના દરવાજા અને 23 એપ્રિલે બદ્રીનાથ મંદિરના દરવાજા ખુલશે.

આ પણ વાંચોઃ ઘુસણખોરી કર્યા વિના દુશ્મનના વિસ્તારમાં તબાહી મચાવી શકે છે જાપાનનું નવુ વિમાન