T20 વર્લ્ડકપ 2026 પૂર્ણ થઈ ગયો છે. લગભગ એક મહિના સુધી ચાલેલી મેચમાં આખરે દુનિયાને આ વર્ષનો T20 ચેમ્પિયન મળ્યો. સૂર્યકુમાર યાદવની કેપ્ટનશીપ હેઠળ ટીમ ઈન્ડિયાએ શાનદાર પ્રદર્શન કર્યું અને ફરી એકવાર ટાઈટલ જીત્યું.

આ દરમિયાન તમને જણાવી દઈએ કે આગામી T20 વર્લ્ડકપ ક્યારે યોજાશે, તે ક્યાં રમાશે, કેટલી ટીમો ભાગ લેશે અને કેટલી ટીમોએ પોતાનું સ્થાન સુરક્ષિત કરી લીધું છે.

આગામી T20 વર્લ્ડકપ ઓસ્ટ્રેલિયા અને ન્યુઝીલેન્ડ સંયુક્ત રીતે યોજશે

ICC દર બે વર્ષે T20 વર્લ્ડકપનું આયોજન કરે છે. તમને જણાવી દઈએ કે T20 વર્લ્ડ કપ 2024માં યોજાયો હતો, અને હવે તે બે વર્ષ પછી ફરીથી યોજાઈ રહ્યો છે. આ વખતે વર્લ્ડકપ ભારતમાં યોજાઈ રહ્યો હતો, તેથી ઉત્સાહ વધુ હતો. આ દરમિયાન આગામી વર્લ્ડકપની વાત કરીએ તો ODI વર્લ્ડકપ 2026માં યોજાશે. તે પછી T20 વર્લ્ડકપ 2028 માં ફરીથી યોજાશે. સ્થળની વાત કરીએ તો, આગામી વર્લ્ડકપ ઓસ્ટ્રેલિયા અને ન્યુઝીલેન્ડ સંયુક્ત રીતે યોજશે.

ઓક્ટોબર અને નવેમ્બર વચ્ચે યોજાઈ શકે છે T20 વર્લ્ડકપ

ઓસ્ટ્રેલિયા અને ન્યુઝીલેન્ડમાં યોજાવાનો T20 વર્લ્ડકપ ઓક્ટોબરથી નવેમ્બર 2028 દરમિયાન યોજાવાની ધારણા છે. પરંતુ શેડ્યૂલ હજુ સુધી જાહેર કરવામાં આવ્યું નથી, તે ઓક્ટોબરના મધ્યમાં શરૂ થવાની ધારણા છે અને નવેમ્બરના મધ્ય સુધી ચાલશે. આ વર્ષની જેમ 2028 T20 વર્લ્ડકપમાં કુલ 20 ટીમો ભાગ લેશે.

આ 12 ટીમોએ આવતા વર્ષે યોજાનાર T20 વર્લ્ડકપમાં પોતાનું સ્થાન કર્યું છે પાક્કું?

તમને જણાવી દઈએ કે કઈ ટીમોએ આગામી વર્લ્ડકપમાં પોતાનું સ્થાન કન્ફર્મ કર્યું છે. ઓસ્ટ્રેલિયા અને ન્યુઝીલેન્ડ યજમાન છે, તેથી તેમના સ્થાન પહેલાથી જ કન્ફર્મ થઈ ગયા હતા. આ વર્ષે ઓસ્ટ્રેલિયા પહેલા રાઉન્ડમાં જ બહાર થઈ ગયું હતું, જ્યારે ન્યુઝીલેન્ડ ફાઈનલમાં પહોંચ્યું હતું. 2026માં સુપર 8 માં સ્થાન મેળવનારી 8 ટીમોએ પણ આગામી વર્લ્ડકપમાં પોતાનું સ્થાન કન્ફર્મ કર્યું છે. આમાં ભારત, ઈંગ્લેન્ડ, સાઉથ આફ્રિકા, પાકિસ્તાન, વેસ્ટ ઈન્ડિઝ, શ્રીલંકા અને ઝિમ્બાબ્વેનો સમાવેશ થાય છે.

રેન્કિંગના આધારે, અફઘાનિસ્તાન, બાંગ્લાદેશ અને આયર્લેન્ડ પણ આવતા વર્ષના વર્લ્ડકપમાં રમશે. બાકીના 8 સ્થાનો માટે પ્રાદેશિક ક્વોલિફાયર દ્વારા સ્પર્ધા કરવામાં આવશે, અને વિજેતા ટીમો T20 વર્લ્ડકપ 2028માં રમશે. આ ક્વોલિફાયર સીઝનના મધ્યમાં શરૂ થશે અને તેના પર નજીકથી નજર રાખવામાં આવશે.

આ પણ વાંચો: Suryakumar Yadav, હાર્દિક પંડ્યા અને શિવમ દુબેએ છોડ્યો ટીમ ઈન્ડિયાનો સાથ, BCCI પર ઉઠ્યા સવાલો!