South East Asia Devastated by Cyclones and Floods: સાઉથ ઈસ્ટ એશિયાના કેટલાક દેશોમાં છેલ્લા કેટલાય દિવસથી કુદરતનો પ્રકોપ જોવા મળી રહ્યો છે. વાવાઝોડા, ભારે વરસાદ, પૂર અને ભૂસ્ખલનના કારણે લોકો ત્રાહિમામ પોકારી રહ્યા છે. આજે જ દિતવાહ વાવાઝોડાએ શ્રીલંકામાં 56 લોકોનો ભોગ લીધો છે અને વાવાઝોડું હવે દક્ષિણ ભારત તરફ આગળ વધી રહ્યું છે. બીજી તરફ ઈન્ડોનેશિયા અને થાઇલૅન્ડમાં પણ પૂરના કારણે અનેક લોકોએ જીવ ગુમાવ્યા છે. થાઇલૅન્ડમાં પૂરના કારણે અત્યાર સુધી 145 લોકોએ જીવ ગુમાવ્યા છે, જ્યારે ઈન્ડોનેશિયામાં સેન્યાર વાવાઝોડા સાથે આવેલા અતિ ભારે વરસાદ અને પૂરના કારણે મૃત્યુઆંક વધીને 90ને પાર થઈ ગયો છે. આ સિવાય મલેશિયા અને વિયેતનામના અનેક વિસ્તારોમાં પણ અતિ ભારે વરસાદની સિસ્ટમ સક્રિય થતા પૂરપ્રકોપ છે.