અમદાવાદ,શનિવાર
અમદાવાદમાં ચાલતા દેહ વિક્રયના કારોબારમાં બાંગ્લાદેશી યુવતીઓને મોટાપાયે ધકેલવાનું સુવ્યવસ્થિત કૌભાંડ થોડા મહિના પહેલા બહાર આવ્યું હતું. જેમાં બાંગ્લાદેશી યુવતીઓ અમદાવાદના એજન્ટો સાથે મોબાઇલ ફોનથી ચોક્કસ એપ્લીકેશની સંપર્કમાં રહેતી હોવાથી પોલીસ સુધી તેમના કોલ ડીટેઇલની વિગતો પહોંચતી નહોતી. જો કે સોલા પોલીસે પાડેલા દરોડામાં સમગ્ર કૌભાંડ સામે આવ્યું હતું. પરતુ ચોંકાવનારી વિગતો એવી છે કે અમદાવાદના વિવિધ વિસ્તારો અનેક એજન્ટો દ્વારા બાંગ્લાદેશી યુવતીઓને લાવતી ગેંગ સક્રિય થઇ છે. ત્યારે આ વાતનો પુરાવો આપતો એક વિડીયો સોશિયલ મિડીયામાં વાયરલ થયો છે.