Accident on Bavla-Bagodara Highway : અમદાવાદના બાવળા-બગોદરા હાઈવે પર આજે વહેલી સવારે એક હૃદય કંપાવનારી દુર્ઘટના સર્જાઈ છે. સવારે 4:30 વાગ્યાના અરસામાં રામનગર નજીક એક ચાની કીટલી પાસે પૂરપાટ ઝડપે દોડતી બોલેરો પિકઅપ વાન આગળ ચાલી રહેલા એક ટ્રકની પાછળ ધડાકાભેર ઘૂસી ગઈ હતી. ટક્કર એટલી ભયંકર હતી કે પિકઅપ વાનનો કચ્ચરઘાણ વળી ગયો હતો.
આ ગમખ્વાર અકસ્માતમાં બે વ્યક્તિના ઘટનાસ્થળે જ કમકમાટીભર્યા મોત નીપજ્યા છે, જેમાં એક મહિલા અને એક પુરુષનો સમાવેશ થાય છે. મૃતક અને ઘાયલ તમામ લોકો અમદાવાદના નરોડા સ્થિત ‘બાલાજી કેટરર્સ’ ના કર્મચારીઓ હતા, જેઓ નરોડાથી બગોદરા પાસેના એક રિસોર્ટમાં લગ્ન પ્રસંગે રસોઈ બનાવવા જઈ રહ્યા હતા.