વડોદરાઃ ઓનલાઇન ઠગાઇના લાખો રૃપિયા ટ્રાન્સફર કરાવી લેનારા વિદેશના આકાઓ સુધી પહોંચવું પોલીસ માટે મુશ્કેલ બન્યું છે.
ડિજિટલ એરેસ્ટ,ઇન્વેસ્ટમેન્ટમાં ઊંચુ વળતર,ટાસ્ક આપી ડિપોઝિટની રકમ પડાવી લેવા,પોર્નોગ્રાફી જેવા કારણો બતાવીને લાખો રૃપિયા ટ્રાન્સફર કરાવી લેતા ઓનલાઇન ઠગો દ્વારા લોકલ બેન્ક ખાતાના ધારકોને મામૂલી કમિશન આપીને તેમના એકાઉન્ટનો ઉપયોગ કરવામાં આવતો હોય છે.
પોલીસ દ્વારા ઠગાઇ માટે ઉપયોગમાં લેવાતા મ્યુલ બેન્ક એકાઉન્ટના ધારકો તેમજ આવા એકાઉન્ટ ઓપરેટ કરતા તેમના પરિચિતોની ધરપકડ કરવામાં આવી રહી છે. આવા વચેટિયા લોકો સામે વડોદરા શહેર પોલીસે ૪૦થી વધુ ગુના નોંધી ધરપકડ માટે તજવીજ કરી છે.