વડોદરા શહેરમાં છેલ્લા કેટલાક સમથી હવા પ્રદૂષણમાં સતત વધારો થઈ રહ્યો હોવાની ફરિયાદો ઉઠી રહી છે. સરકારી આંકડા મુજબ હવાની ગુણવત્તાનું પ્રમાણ હવે મધ્યમથી જોખમી સ્તરે પહોંચતા પર્યાવરણની સાથે નાગરિકોના સ્વાસ્થય અંગે ચિંતાનો વિષય બન્યો છે.
શહેરમાં વધતી વસ્તી સાથે વાહનોની સંખ્યા સતત વધી રહી છે. આ ઉપરાંત શહેરની આસપાસ આવેલા કેટલાક ઉદ્યોગોમાંથી છૂટતા ગેસ, મ્યુનિ. કોર્પોરેશન દ્વારા ચાલી રહેલા વિકાસકામો અંતર્ગત ચારે તરફ થયેલું ખોદકામ તથા બાંધકામ સાઈટો પરથી ઉડતી ધૂળ હવા પ્રદૂષણમાં વધારો કરી રહી છે.