મોરબી જિલ્લાના હળવદ પંથકમાંથી પસાર થતી નર્મદાની મુખ્ય કેનાલ ફરી એકવાર આત્મહત્યાના સ્થળ તરીકે સામે આવી છે. હળવદના રણજીતગઢ ગામના એક 18 વર્ષીય આશાસ્પદ યુવાને કોઈ અગમ્ય કારણોસર કેનાલમાં ઝંપલાવીને આત્મહત્યા કરી લેતા સમગ્ર પંથકમાં અરેરાટી વ્યાપી ગઈ છે.

ઘટનાની વિગત

ઘટનાની મળતી માહિતી અનુસાર, મૃતક યુવકની ઓળખ 18 વર્ષીય સુજલ મનસુખ તરીકે થઈ છે. ગત તારીખ 14 ફેબ્રુઆરીના રોજ સુજલ પોતાનું મોટરસાઈકલ કેનાલના કાંઠે મૂકીને રહસ્યમય રીતે ગાયબ થયો હતો. તેણે કેનાલમાં કૂદીને આત્મહત્યા કરી હોવાની આશંકા વચ્ચે સ્થાનિકો દ્વારા શોધખોળ હાથ ધરવામાં આવી હતી. આખરે 15 ફેબ્રુઆરીના રોજ બપોરના સમયે તેનો મૃતદેહ કેનાલના પાણીમાંથી મળી આવ્યો હતો.

https://x.com/sandeshnews/status/2023275125135827087

તંત્ર દ્વારા કાર્યવાહી

ઘટનાની જાણ થતા જ હળવદ ફાયર બ્રિગેડની ટીમ અને સ્થાનિક તરવૈયાઓ ઘટના સ્થળે પહોંચી ગયા હતા. લાંબી જહેમત બાદ યુવકના મૃતદેહને બહાર કાઢવામાં આવ્યો હતો. ત્યારબાદ મૃતદેહને પોસ્ટ મોર્ટમ અર્થે હળવદની સરકારી હોસ્પિટલમાં ખસેડવામાં આવ્યો છે. યુવકે આ આત્મઘાતી પગલું કયા કારણોસર ભર્યું તે હજુ સુધી જાણી શકાયું નથી. પોલીસ દ્વારા આ મામલે અકસ્માતે મોતનો ગુનો નોંધી વધુ તપાસ હાથ ધરવામાં આવી છે.

આ પણ વાંચો – Morbi News: મચ્છુ નદીના બ્રિજ પર ખાડાના કારણે છકડો રિક્ષા પલટી