Voter list deletion: રાજ્યમાં ફાઈનલ મતદાર યાદી જાહેર થાય તે પહેલાં રાજ્ય ચૂંટણીપંચ શંકાના ઘેરામાં આવ્યુ છે. વિપક્ષોએ હંગામો મચાવી એવો આક્ષેપ કર્યો છે કે, ફોર્મ-7નો દૂરપયોગ કરી ગુજરાતમાં 10 લાખ મતદારોના નામ મતદાર યાદીમાંથી કમી કરવાનું સુવ્યવસ્થિત ષડયંત્ર રચાયુ છે ત્યારે રાજ્ય ચૂંટણીપંચ મૌન ધારણ કરીને બેઠું છે. જોકે, કોંગ્રેસ-આપે પુરાવા રજૂ કરીને એવી ચિમકી ઉચ્ચારી છે કે, જો ચૂંટણી પંચ વિગતો જાહેર નહી કરે તો, સમગ્ર મુદ્દે રાજ્યભરમાં કલેક્ટર કચેરીનો ઘેરાવથી માંડીને વિરોધ પ્રદર્શન- આંદોલન કરાશે. એટલું જ નહીં, હાઇકોર્ટ-સુપ્રીમ કોર્ટના દ્વાર ખખડાવવા પણ તૈયારી કરાઇ છે.
ફોર્મ-7નો મોટાપાયે દુરુપયોગ: મતદારોની જાણ બહાર નામ કમી કરવાનો ખેલ?