Romania Speeding Car Crashes: રોમાનિયામાંથી એક અત્યંત ચોંકાવનારો માર્ગ અકસ્માત સામે આવ્યો છે, જ્યાં એક ફૂલ સ્પીડમાં જતી કાર ડિવાઈડર સાથે અથડાયા બાદ હવામાં અનેક ફૂટ ઊંચે ઉછળી ગઈ હતી અને સામેની તરફથી આવતી બે કારો ઉપરથી પસાર થઈને રોડની બીજી બાજુએ જઈને પડી હતી. આ સમગ્ર ડરામણા અકસ્માતનો CCTV વીડિયો સોશિયલ મીડિયા પર વાઇરલ થઈ રહ્યો છે.
મેડિકલ ઇમરજન્સીને કારણે થયો અકસ્માત
પોલીસના જણાવ્યા અનુસાર, આ ભયાનક અકસ્માતનું કારણ કાર ચલાવી રહેલા 55 વર્ષીય ડ્રાઇવરને અચાનક આવેલી મેડિકલ ઇમરજન્સી હતી. મેડિકલ ઇમરજન્સીને કારણે ડ્રાઇવરે મર્સિડીઝ પરનો કાબૂ ગુમાવ્યો હતો.