મોદી પ્રગતિ મંડળ દ્વારા છેલ્લા 50 વર્ષથી ચાલી આવતી પરંપરાગત કાનુડા ઉત્સવની ઉજવણી કરવામાં આવી. આ વર્ષે 440 ઘરના પરિવારોએ આ ઉત્સવનો લાભ લીધો. આ વર્ષે રાજેન્દ્રકુમાર રસિકલાલ મોદી પરિવારે કાનુડાનો રૂડો લાભ લીધો હતો. સમારોહના મુખ્ય કાર્યક્રમ પછી, કાનુડાને આવતીકાલે પરંપરાગત રીતિ-રિવાજ મુજબ વળાવવામાં આવશે. ઉત્સવની પૂર્ણાહુતિ રૂપે આગામી રવિવાર, એટલે કે 6 તારીખના રોજ, માતાજીના પવિત્ર સાનિધ્યમાં ભવ્ય ઉજાણીનું આયોજન કરાયું છે. આ સમૂહ મહોત્સવમાં આગામી રવિવારે સવારે ‘વરપેડા’ અને સાંજે ભક્તિભાવ સાથે ‘ઉજાણી’ના પ્રસંગનો લાભ લેવા માટે મોદી પરિવાર અને પ્રગતિ મંડળના સભ્યો મોટી સંખ્યામાં હાજર રહેશે. અડધી સદી જૂની આ સંસ્કૃતિ અને ઉત્સાહથી સમગ્ર પંથકમાં આનંદનો માહોલ છવાઈ ગયો છે.