મહીસાગર LCBએ બાકોર પોલીસ સ્ટેશન વિસ્તારમાંથી 2.72 લાખ રૂપિયાથી વધુનો વિદેશી દારૂ ઝડપી પાડ્યો છે. આ કાર્યવાહીમાં ગાડીઓ સહિત કુલ 19.61 લાખ રૂપિયાથી વધુનો મુદ્દામાલ જપ્ત કરવામાં આવ્યો છે અને ત્રણ આરોપીઓની ધરપકડ કરાઈ છે. LCBની ટીમ જિલ્લામાં અલગ અલગ જગ્યાએ દારૂબંધીની વોચ અને તપાસ કરી રહી હતી, પેટ્રોલિંગ દરમિયાન LCB સ્ટાફના આસિસ્ટન્ટ હેડ કોન્સ્ટેબલ મહીપાલસિંહને બાતમી મળી કે, એક સફેદ મહિન્દ્રા TUV ગાડીમાં ચોરખાનું બનાવી દારૂનો જથ્થો ભર્યો છે. આ દારૂ ભરેલી કારની આગળ ગ્રે કલરની મારુતિ સુઝુકી XL6 કારમાં બે લોકો પાયલોટિંગ કરી રહ્યા હતા. જે કાર બાબલિયા તરફથી લુણાવાડા તરફ હાઈવે રોડ પર જવાની હતી. આ બાતમીના આધારે પોલીસે ખુટેલાવ ગામના ત્રણ રસ્તા પાસે મોડાસા-ગોધરા હાઈવે પર વોચ ગોઠવી હતી. ત્યારે મારુતિ સુઝુકી XL6 કાર અને તેની પાછળ સફેદ મહિન્દ્રા TUV કાર આવતા, ખાનગી વાહનોથી રોડ પર આડાશ કરીને બંને વાહનોને રોકી લેવામાં આવ્યા હતા. પોલીસે ત્રણ લોકોને ઝડપી લીધા હતા. બંને ગાડીઓને પંચો રૂબરૂ તપાસ કરતા, મહિન્દ્રા TUV ગાડીમાં પાછળ નીચેના ભાગે ચોરખાનામાંથી વિદેશી દારૂનો જથ્થો મળી આવ્યો હતો. વિદેશી દારૂના પ્લાસ્ટિકના ટેટ્રા પેક કુલ 838 નંગ મળી આવ્યા હતા. જેની કિંમત 2,72,350 રૂપિયા હતી. દારૂ સહિત કુલ 19,61,340 રૂપિયાનો મુદ્દામાલ જપ્ત કરાયો હતો. બાકોર પોલીસ સ્ટેશનમાં પ્રોહીબીશનનો ગુનો નોંધીને આગળની કાયદેસરની કાર્યવાહી હાથ ધરાઈ છે. પકડાયેલા આરોપીઓના નામ