રશિયાના ઉત્તરી કાકેશસ વિસ્તારમાં આવેલા માઉન્ટ મિઝહિરગી પર રવિવારે સાંજે હિમસ્ખલન થયું. સ્થાનિક અધિકારીઓના જણાવ્યા અનુસાર, આ દુર્ઘટનામાં 11 પર્વતારોહકોના મોત થયા. જ્યારે 10 લોકો કોઈક રીતે સુરક્ષિત નીચે ઉતરી આવ્યા, પરંતુ 6 લોકો હજુ પણ ગુમ છે. બચાવ દળ તેમની શોધખોળમાં લાગેલું છે. જ્યારે દુર્ઘટના થઈ ત્યારે 33 પર્વતારોહકોનું એક ગ્રુપ પહાડ પર ચઢાણ કરી રહ્યું હતું. અચાનક પહાડ પરથી મોટી માત્રામાં બરફ સરકીને તેમના પર પડ્યો, જેના કારણે ઘણા લોકો બરફ નીચે દબાઈ ગયા. માઉન્ટ મિઝહિરગી પર હિમસ્ખલનની તસવીરો 6 ગુમ થયેલા પર્વતારોહકોની શોધખોળ ચાલુ ગુમ થયેલા પર્વતારોહકોને શોધવા માટે 50થી વધુ બચાવકર્મીઓ અભિયાનમાં જોડાયા છે. પહાડી વિસ્તાર અત્યંત મુશ્કેલ છે અને ત્યાં ફરીથી હિમસ્ખલનનું જોખમ રહેલું છે. આ કારણોસર, બચાવ ટીમોને સાવચેતીપૂર્વક અભિયાન ચલાવવું પડી રહ્યું છે. માઉન્ટ મિઝહિરગી ક્યાં આવેલું છે? માઉન્ટ મિઝહિરગી રશિયાના નોર્થ કોકેશસ પ્રદેશમાં આવેલું છે. તે કાબાર્ડિનો-બાલકારિયાના પર્વતીય વિસ્તારની મુખ્ય ઊંચી પહાડીઓમાં સામેલ છે. અહીંનો ઊંચાઈવાળો અને કઠિન ભૂભાગ પર્વતારોહકો માટે પડકારજનક માનવામાં આવે છે. આ સમાચાર પણ વાંચો… ઈન્ડોનેશિયામાં ધગધગતા લાવા સાથે ફાટ્યો ભયાનક જ્વાળામુખી, VIDEO:તેની રાખ આકાશમાં 50,000 ફૂટ ઊંચે સુધી પહોંચી ઇન્ડોનેશિયાના માઉન્ટ અનાક ક્રાકાટોઆમાં રવિવારે જોરદાર વિસ્ફોટ થયો. જ્વાળામુખીમાંથી નીકળેલી રાખ લગભગ 50 હજાર ફૂટની ઊંચાઈ સુધી પહોંચી ગઈ. એરપોર્ટ ઓપરેટરના જણાવ્યા અનુસાર, વિસ્ફોટના કારણે 301 ફ્લાઇટ્સ પ્રભાવિત થઈ. જેમાં 58 ઇન્ટરનેશનલ ફ્લાઇટ્સ પણ સામેલ છે. હાલમાં જાન-માલના નુકસાનની કોઈ જાણકારી સામે આવી નથી. સંપૂર્ણ સમાચાર વાંચો…