જૂનાગઢ નજીક આવેલા માંગરોળ બાયપાસ હાઈવે પર એક ગંભીર રસ્તા અકસ્માત સર્જાયો હતો. લાપરવાહી અને બેફામ ગતિએ ચલાવાતી મોટરસાઈકલ અચાનક રોડના ડિવાઈડર સાથે ધડાકાભેર અથડાઈ હતી. આ ગોઝારા અકસ્માતમાં મોટરસાઈકલ પર સવાર બાળકીઓનો આબાદ બચાવ થયો હતો, પરંતુ અકસ્માત એટલો ભયાનક હતો કે સમગ્ર ઘટનાથી પરિવારમાં ગમગીની અને માતમ છવાઈ ગયો હતો.
કેશોદના યુવકનું ઘટનાસ્થળે જ કરૂણ મોત
મોટરસાઈકલ ડિવાઈડર સાથે અથડાતા થયેલા ગંભીર અકસ્માતમાં કેશોદના એક યુવકને માથાના ભાગે તથા શરીરે ગંભીર ઈજાઓ પહોંચતાં તેનું ઘટનાસ્થળે જ કમકાપી ઉઠે તેવું મોત નીપજ્યું હતું. ઘટનાની જાણ થતાં જ આસપાસના લોકો તાત્કાલિક મદદ માટે દોડી આવ્યા હતા અને પોલીસ તથા ઈમરજન્સી સેવાને જાણ કરી હતી.
108 મારફતે ઈજાગ્રસ્તને જૂનાગઢ હોસ્પિટલ ખસેડાયો
આ અકસ્માતમાં અન્ય એક વ્યક્તિ પણ ગંભીર રીતે ઘવાયો હતો. ઘટનાની જાણ થતાં જ 108 ઈમરજન્સી એમ્બ્યુલન્સ વાન ઘટનાસ્થળે પહોંચી ગઈ હતી. ઈજાગ્રસ્તની હાલત નાજુક હોવાથી તેને પ્રાથમિક સારવાર આપી વધુ સારવાર અર્થે જૂનાગઢની હોસ્પિટલમાં ખસેડવામાં આવ્યો હતો. પોલીસે ઘટના અંગે કાયદેસરની કાર્યવાહી હાથ ધરીને વધુ તપાસ શરૂ કરી છે.