સુરત શહેરના ગોડાદરા પોલીસ સ્ટેશન હદ વિસ્તારમાં એક અત્યંત શરમજનક અને સનસનાટીભર્યો કિસ્સો પ્રકાશમાં આવ્યો છે. અહીં રહેતી એક અલ્પવયસ્ક સગીરા સાથે અમિશ અલી નામના યુવક સાથે પ્રેમ સંબંધ હતો. દરમિયાન આ પ્રેમ સંબંધ અંગેની જાણ અમિશના મોટા ભાઈ સાદીર અલીને થઈ ગઈ હતી.
ગોડાદરામાં બે સગા ભાઈઓએ સગીરા પર આચર્યું દુષ્કર્મ
પ્રેમ સંબંધની જાણ થયા બાદ સગા મોટા ભાઈ સાદીર અલીએ વિકૃત માનસિકતા દર્શાવીને સગીરાને બ્લેકમેલ કરવાનું શરૂ કર્યું હતું. સાદીરે સગીરાને ધમકાવીને તથા બ્લેકમેલ કરીને તેની સાથે પણ દુષ્કર્મ આચર્યું હતું. બંને સગા ભાઈઓના અત્યાચાર અને શારીરિક શોષણથી કંટાળીને આખરે સગીરાએ પોતાના પરિવારજનોને આપવીતી જણાવી હતી. ત્યારબાદ સગીરાએ ગોડાદરા પોલીસ સ્ટેશન પહોંચીને અમિશ અલી અને સાદીર અલી વિરુદ્ધ કાયદાકીય ફરિયાદ નોંધાવી હતી.
ગોડાદરા પોલીસે બંને આરોપી ભાઈઓની કરી ધરપકડ
સગીરાની ફરિયાદના આધારે ગોડાદરા પોલીસે તાત્કાલિક ગુનો નોંધી તપાસનો ધમધમાટ શરૂ કર્યો હતો. પોલીસે ગણતરીના કલાકોમાં દરોડા પાડીને સગા ભાઈ એવા બંને આરોપીઓ અમિશ અલી અને સાદીર અલીની ધરપકડ કરી લીધી છે. પોલીસે પીડિતાનું મેડિકલ ચેકઅપ કરાવીને પોક્સો સહિતની ગંભીર કલમો હેઠળ કાયદાકીય કડક કાર્યવાહી હાથ ધરી છે.અમિશ અલી અને સાદીર અલીએ સગીરા પર આચર્યું દુષ્કર્મ. નાના ભાઈ સાથેના સંબંધની જાણ થતાં મોટા ભાઈએ બ્લેકમેલ કરી શોષણ કર્યું. ગોડાદરા પોલીસે સત્વરે કાર્યવાહી કરીને બંને આરોપીઓને જેલહવાલે કર્યા.