EPFO એ પોતાના સત્તાવાર X (અગાઉનું ટ્વિટર) હેન્ડલ પરથી એક પોસ્ટ શેર કરીને આ નવી સુવિધાની જાહેરાત કરી છે. આ સેવાનો મુખ્ય ઉદ્દેશ્ય સભ્યો સુધી સીધી અને સરળ પહોંચ બનાવવાનો છે. હવે પીએફ ખાતાધારકોને તેમની માહિતી કે બેલેન્સ જાણવા માટે લાંબી પ્રક્રિયામાંથી પસાર થવું પડશે નહીં. સંસ્થા દ્વારા સમયે-સમયે બહાર પાડવામાં આવતા નવા અપડેટ્સ અને અન્ય જરૂરી માહિતી પણ આ ચેનલના માધ્યમથી સીધી સભ્યો સુધી પહોંચાડવામાં આવશે.
ચેનલ સાથે કેવી રીતે જોડાવું?
QR કોડ: EPFO એ તેની X-પોસ્ટમાં એક વિશેષ QR કોડ શેર કર્યો છે. સભ્યો તેમના મોબાઈલથી આ કોડ સ્કેન કરીને સીધા જ વોટ્સએપ ચેનલ સાથે જોડાઈ શકે છે.
ડાયરેક્ટ લિંક: સ્કેનિંગ ઉપરાંત, સત્તાવાર લિંક (https://whatsapp.com/channel/0029Vb6kmH48Pgs8ftd6Kw3Y) પર ક્લિક કરીને પણ આ ચેનલનો હિસ્સો બની શકાય છે.
આ સિસ્ટમ કઈ રીતે કામ કરશે?
મેસેજ મોકલવાની પ્રક્રિયા: ખાતાધારકે EPFO ની રજિસ્ટર્ડ વોટ્સએપ ચેનલ પર જઈને માત્ર “Hello” (હેલો) લખીને મોકલવાનું રહેશે.
યુનિવર્સલ એકાઉન્ટ નંબર (UAN) વેરિફિકેશન: મેસેજ મળતા જ સિસ્ટમ ચકાસશે કે જે નંબર પરથી મેસેજ આવ્યો છે, તે તમારા UAN સાથે રજિસ્ટર્ડ છે કે નહીં.
સ્થાનિક ભાષામાં મેનુ: વેરિફિકેશન સફળ થતાં જ સભ્યને તેમની સ્થાનિક ભાષામાં વિવિધ વિકલ્પોનું એક સરળ મેનુ જોવા મળશે.
AI ચેટબોટ: યુઝર દ્વારા પસંદ કરાયેલા વિકલ્પ કે પૂછાયેલા પ્રશ્નનો AI ચેટબોટ સીધો અને સચોટ જવાબ આપશે.
વોટ્સએપ પર ઉપલબ્ધ મુખ્ય સુવિધાઓ
બેલેન્સ ચેક: સભ્યો તેમના પીએફ ખાતામાં જમા થયેલી કુલ રકમની સચોટ વિગતો મેળવી શકશે.
છેલ્લા પાંચ વ્યવહારો: ખાતામાં થયેલા લેટેસ્ટ પાંચ ટ્રાન્ઝેક્શન (પાસબુક એન્ટ્રી) ની માહિતી સરળતાથી જોઈ શકાશે.
ક્લેમ સ્ટેટસ: પીએફ ઉપાડવા માટે કરેલા દાવા (Claim) ની વર્તમાન સ્થિતિ શું છે, તે પણ આ સુવિધા થકી જાણી શકાશે.
આ પણ વાંચોઃ Hormuz માં ફરી તણાવ વધ્યો, ઇરાની કાર્ગો જહાજ પર જોરદાર હુમલો, એકનું મોત