પંચમહાલ જિલ્લાના શહેરામાં આવેલી જય જલારામ હોમિયોપેથિક મેડિકલ કોલેજને દેશભરમાંથી સર્વોચ્ચ ‘A+’ ગ્રેડ મળ્યો છે. આ કોલેજ અને હોસ્પિટલે એક મોટી સિદ્ધિ મેળવી છે. નેશનલ કમિશન ફોર હોમિયોપેથી (NCH) ના મેડિકલ એસેસમેન્ટ એન્ડ રેટિંગ બોર્ડે ભારતની આશરે 300 હોમિયોપેથિક મેડિકલ કોલેજોનું મૂલ્યાંકન કર્યું હતું. આ મૂલ્યાંકનમાં જય જલારામ હોમિયોપેથિક મેડિકલ કોલેજને સૌથી ઊંચો ‘A+’ ગ્રેડ આપવામાં આવ્યો. આ સિદ્ધિ ગુણવત્તાયુક્ત હોમિયોપેથિક તબીબી શિક્ષણ, સારી આરોગ્ય સેવાઓ અને હોમિયોપેથિક ઉપચાર પ્રત્યે સંસ્થાની મજબૂત પ્રતિબદ્ધતા દર્શાવે છે. સંસ્થાના સંચાલન મંડળનું માર્ગદર્શન, ફેકલ્ટી સભ્યોનું શિક્ષણ, વિદ્યાર્થીઓ અને હોસ્પિટલ સ્ટાફની મહેનતને કારણે આ સફળતા મળી છે. આ માટે સમગ્ર જય જલારામ પરિવારને અભિનંદન.