હવામાન વિભાગની આગાહી અનુસાર આગામી 7 દિવસ રાજ્યભરમાં ચોમાસુ માહોલ સંપૂર્ણપણે સક્રિય રહેશે. ખાસ કરીને દક્ષિણ ગુજરાત અને સૌરાષ્ટ્રના દરિયાકાંઠાના પંથકોમાં વાદળછાયા વાતાવરણ વચ્ચે મધ્યમથી ભારે વરસાદ વરસવાની પૂરી સંભાવના છે. સુરત, નવસારી, વલસાડ, ડાંગ તેમજ તાપી જિલ્લાઓમાં ગાજવીજ સાથે વરસાદ વરસી શકે છે, જ્યારે સૌરાષ્ટ્રના ગીર સોમનાથ, અમરેલી અને ભાવનગર પંથકમાં પણ છૂટાછવાયા સ્થળોએ સારો એવો વરસાદ નોંધાય એવી શક્યતા હવામાન નિષ્ણાતો દ્વારા વ્યક્ત કરવામાં આવી છે. મધ્ય અને ઉત્તર ગુજરાતમાં હળવા-મધ્યમ ઝાપટાં
બીજી તરફ અમદાવાદ, ગાંધીનગર, વડોદરા સહિત મધ્ય ગુજરાત અને ઉત્તર ગુજરાતના વિસ્તારોમાં દિવસ દરમિયાન ઉઘાડ સાથે ભેજવાળું વાતાવરણ રહેશે, પરંતુ બપોર બાદ કે સાંજના સમયે ગાજવીજ સાથે હળવાથી મધ્યમ વરસાદી ઝાપટાં પડવાની સંભાવના છે.