શહેરના સરસપુર વિસ્તારમાં મોડી રાતે બે ચોરોએ ઘરની બહાર પડેલું સ્પોર્ટ્સ બાઇક ચોરી કર્યું છે. જે સમગ્ર ઘટના સીસીટીવીમાં કેદ થઈ છે. એક ચોરે ઈંટ મારીને બાઈકનું લોક તોડ્યું હતું. જે બાદ બાઇક ચાલુ કરી ચોરી લઈ ગયા હતા. ચોરીની ઘટના CCTV કેમેરામાં કેદ થઈ છે જેના આધારે શહેરકોટડા પોલીસે ગુનો નોંધી તપાસ હાથ ધરી છે. રોડની બહારથી બે શખસ બાઈક ચોરીને ફરાર
સરસપુરમાં રહેતા અખિલેશ રામી નામનો 27 વર્ષીય યુવક આઈટી કંપનીમાં નોકરી કરે છે.અખિલેશ પાસે એક ડ્યુક બાઇક હતું. જે ઘરની બહાર રોડ પર પાર્ક કરતો હતો. 22 સપ્ટેમ્બરે અખિલેશ મોડી રાતે બહાર જઈને પરત આવ્યો હતો અને બાઈક ઘરની બહાર પાર્ક કરીને ગયો હતો. સવારે જ્યારે ઘરની બહાર જોયું ત્યારે બાઈક ગાયબ હતુ. જેથી આસપાસ તપાસ કરી પરંતુ બાઈક મળી આવ્યું ન હતું. પરંતુ CCTV ચેક કરતા બે ચોર આવ્યા હતા જેમાંથી એકે ઇંટથી બાઈકનું લોક તોડ્યું હતું. જે બાદ બાઇક ચલાવીને ચોરી કરીને લઈ ગયા હતા. આ અંગે શહેરકોટડા પોલીસે ગુનો નોંધી તપાસ હાથ ધરી છે.