ગોધરા શહેરમાં માર્ગ અકસ્માતો ઘટાડવા અને ટ્રાફિક નિયમો વિશે લોકોને જાગૃત કરવા માટે RTO અને ટ્રાફિક પોલીસે બાઇક રેલી કાઢી હતી. આ રેલીનું આયોજન બંને વિભાગો દ્વારા સંયુક્ત રીતે કરવામાં આવ્યું હતું. આ બાઇક રેલી ગોધરા શહેરના મુખ્ય રસ્તાઓ અને ચોક વિસ્તારોમાંથી પસાર થઈ હતી. રેલી દરમિયાન વાહનચાલકોને હેલ્મેટ પહેરવા, સીટબેલ્ટ બાંધવા, વાહન ચલાવતી વખતે મોબાઇલ ફોનનો ઉપયોગ ન કરવા અને ટ્રાફિક સિગ્નલ તથા નિયમોનું પાલન કરવા માટે જાગૃત કરાયા હતા. રેલીમાં RTO અને ટ્રાફિક પોલીસના અધિકારીઓ સહિત મોટી સંખ્યામાં કર્મચારીઓ બાઇક સાથે જોડાયા હતા. શહેરના મુખ્ય માર્ગો પરથી પસાર થઈને આ રેલીએ સ્થાનિક નાગરિકો અને વાહનચાલકોમાં માર્ગ સલામતી અને ટ્રાફિક નિયમોના પાલન અંગે જાગૃતિ ફેલાવવાનો પ્રયાસ કર્યો હતો.