ભારત અને વેસ્ટ ઈન્ડિઝ વચ્ચેની 3 મેચની વનડે શ્રેણીનો પ્રારંભ 27 સપ્ટેમ્બરથી થવાનો છે.શ્રેણીની પ્રથમ મેચ તિરુવનંતપુરમમાં રમાશે. ભારતીય ટીમની જાહેરાત અગાઉ જ થઈ ચૂકી છે.આ દરમિયાન ટીમમાં સામેલ એક એવા બેટરને પ્રથમ મેચમાં બહાર બેસવું પડી શકે છે, જેણે પોતાની છેલ્લી 6 વનડે મેચમાં 2 સદી ફટકારી છે. અહીં વાત થઈ રહી છે

લગભગ દોઢ વર્ષમાં માત્ર 6 વનડે રમ્યો 

યશસ્વી જયસ્વાલે ફેબ્રુઆરી 2025માં ઈંગ્લેન્ડ સામે વનડે ક્રિકેટમાં પદાર્પણ કર્યું હતું.ત્યારથી અત્યાર સુધીમાં તેને માત્ર 6 વનડે મેચ રમવાની તક મળી છે.આ 6 મેચમાં જયસ્વાલે કુલ 285 રન બનાવ્યા છે, જેમાં 2 સદીનો સમાવેશ થાય છે.આટલું સારું પ્રદર્શન કર્યા છતાં વેસ્ટ ઈન્ડિઝ સામેની પ્રથમ વનડેમાં તેની પ્લેઇંગ-11માં જગ્યા બનતી મુશ્કેલ દેખાઈ રહી છે. તેનું મુખ્ય કારણ ભારતીય ટીમનું ટોપ ઓર્ડર છે.વેસ્ટ ઈન્ડિઝ સામેની સીરિઝ માટે રોહિત શર્માની પણ પસંદગી કરવામાં આવી છે.આવી સ્થિતિમાં કેપ્ટન શુભમન ગિલ અને રોહિત શર્મા ઓપનિંગ કરતા જોવા મળી શકે છે. ત્રીજા નંબર પર વિરાટ કોહલી અને ચોથા નંબર પર રુતુરાજ ગાયકવાડને તક મળવાની શક્યતા છે.

જયસ્વાલ કે  રુતુરાજ કોને મળશે તક 

યશસ્વી જયસ્વાલ મુખ્યત્વે ઓપનિંગ બેટર છે. ટેસ્ટ હોય કે T20 ક્રિકેટ, તેણે મોટા ભાગે ઇનિંગ્સની શરૂઆત કરી છે. બીજી તરફ રુતુરાજ ગાયકવાડ પણ ઓપનિંગ કરી શકે છે.પરંતુ જો રોહિત શર્મા અને શુભમન ગિલ ઓપનિંગ કરે તથા વિરાટ કોહલી ત્રીજા નંબર પર આવે, તો ટોપ 3માં જગ્યા બચતી નથી. આવી સ્થિતિમાં ચોથા નંબર માટે જયસ્વાલ અને રુતુરાજ ગાયકવાડમાંથી કોઈ એકને પસંદ કરવાની સ્થિતિ બની શકે છે.જો ટીમ મેનેજમેન્ટ રુતુરાજને તક આપે છે, તો સદી ફટકારનાર યશસ્વી જયસ્વાલને બહાર બેસવું પડી શકે છે. જો જયસ્વાલને ચોથા નંબર પર રમાડવામાં આવે તો રુતુરાજ ગાયકવાડને બહાર રહેવું પડી શકે છે.

T20માં પણ તક મળશે 

જયસ્વાલ ભારતીય ટીમ માટે ટેસ્ટ ક્રિકેટમાં સતત રમે છે, પરંતુ વનડે અને T20 આંતરરાષ્ટ્રીય ક્રિકેટમાં તેની જગ્યા હજુ સંપૂર્ણપણે નિશ્ચિત થઈ નથી.તેણે ભારત માટે અત્યાર સુધી 31 ટેસ્ટ અને 23 T20 આંતરરાષ્ટ્રીય મેચ રમી છે.T20માં પણ ઓપનિંગ માટે ભારતીય ટીમમાં ભારે સ્પર્ધા છે.તેથી જયસ્વાલને નિયમિત તક મેળવવા માટે પડકારનો સામનો કરવો પડી રહ્યો છે.હવે વેસ્ટ ઈન્ડિઝ સામેની 3 મેચની વનડે શ્રેણીમાં જોવાનું રહેશે કે યશસ્વી જયસ્વાલને ત્રણમાંથી કોઈ મેચમાં પ્લેઇંગ-11માં સ્થાન મળે છે કે નહીં.ખાસ વાત એ છે કે છેલ્લા 6 વનડેમાં 2 સદી કરનાર આ બેટર ટીમમાં હોવા છતાં પ્રથમ મેચમાં બહાર બેસી શકે છે.

આ પણ વાંચો – Daren Sammyનો મોટો દાવો! ટીમ ઈન્ડિયાને લઈ કહી એવી વાત કે ફેન્સ પણ ચોંકયા