પાટણની ગવર્નમેન્ટ એન્જિનિયરિંગ કોલેજમાં માર્ગ સલામતી સેમિનાર યોજાયો. આરટીઓ પાટણ દ્વારા ‘સેવા સંકલ્પ અભિયાન’ અંતર્ગત આ સેમિનારનું આયોજન કરાયું હતું. યુવાનોમાં માર્ગ સલામતી અંગે જાગૃતિ લાવવાનો તેનો મુખ્ય હેતુ હતો. આ સેમિનારમાં કોલેજના આશરે 200 વિદ્યાર્થીઓએ ભાગ લીધો હતો. આરટીઓ ઇન્સ્પેક્ટર એમ. વી. પટેલે સેમિનારમાં હાજરી આપી હતી. તેમણે વિદ્યાર્થીઓને માર્ગ સલામતીના નિયમો સમજાવ્યા.
પટેલે ટ્રાફિક શિસ્તનું મહત્વ, હેલ્મેટ અને સીટબેલ્ટનો ફરજિયાત ઉપયોગ, અને જવાબદાર વાહનચાલકની ફરજો વિશે વિગતવાર માહિતી આપી. સેમિનારમાં માર્ગ અકસ્માતો રોકવા માટે સાવચેતીપૂર્વક વાહન ચલાવવા પર ભાર મુકાયો. ડ્રાઇવિંગ કરતી વખતે મોબાઈલ ફોનનો ઉપયોગ ન કરવા પણ જણાવાયું. યુવાનોને ટ્રાફિકના તમામ નિયમોનું પાલન કરવા માટે જાગૃત કરાયા. તેમને સલામત અને જવાબદાર ટ્રાફિક વ્યવસ્થા બનાવવામાં સહભાગી બનવાનો સંદેશ પણ અપાયો. ‘સેવા સંકલ્પ અભિયાન’ હેઠળ યોજાયેલા આ સેમિનારથી વિદ્યાર્થીઓમાં ટ્રાફિક નિયમો અને માર્ગ સુરક્ષા પ્રત્યે જાગૃતિ વધી.