રિવેરા હાઈટ્સ ખાતે 8મો બ્લડ ડોનેશન કેમ્પ યોજાયો હતો. આ કેમ્પમાં 41 યુનિટ રક્ત એકત્રિત કરીને N.M.P. બ્લડ બેંકને આપવામાં આવ્યું હતું. બીલીમોરા જાયન્ટ્સ ગ્રુપ, ગણદેવી પીપલ્સ કો.ઓ. બેંક લિમિટેડ અને રિવેરા હાઈટ્સના સહયોગથી આ કેમ્પનું આયોજન થયું હતું. રક્તદાતાઓએ ઉત્સાહથી ભાગ લીધો હતો. કેમ્પમાં કુલ 41 યુનિટ રક્ત એકઠું કરાયું હતું, જે દર્દીઓની સેવા માટે N.M.P. બ્લડ બેંકને સોંપવામાં આવ્યું. જાયન્ટ્સ ગ્રુપના ગીરીશ પટેલે 46મી વખત રક્તદાન કર્યું હતું. આ કેમ્પને સફળ બનાવવા માટે જાયન્ટ્સ ગ્રુપના પ્રમુખ અશોકભાઈ પટેલ, સુમનભાઈ પટેલ, પંકજભાઈ મોદી, ગણદેવી પીપલ્સ બેંકના જસ્મીનભાઈ દેસાઈ અને હરિયાળી ગ્રુપના દિપેશભાઈ પટેલે સહયોગ આપ્યો હતો. આયોજકોએ તમામ સ્પોન્સર્સ, જાયન્ટ્સ ગ્રુપના સભ્યો અને રિવેરા હાઈટ્સના રહેવાસીઓનો આભાર માન્યો હતો.