શિક્ષણમંત્રી ડૉ. પ્રદ્યુમનભાઈ વાજાએ કોડિનાર તાલુકાના પીપળી ગામમાં 96 લાખ રૂપિયાના ખર્ચે બનેલા સી.સી. રોડનું લોકાર્પણ કર્યું. આ સાથે તેમણે 7 લાખ રૂપિયાના ખર્ચે બનનારા મધ્યાહ્ન ભોજન કિચન શેડનું ખાતમુહૂર્ત પણ કર્યું હતું.આ નવા સી.સી. રોડથી ગ્રામ્ય પરિવહન સરળ બનશે. મધ્યાહ્ન ભોજન કિચન શેડ બનવાથી વિદ્યાર્થીઓને વધુ સારી સુવિધાઓ મળશે. મંત્રીએ કહ્યું કે, વડાપ્રધાન નરેન્દ્રભાઈ મોદીના અંત્યોદયના વિચારને કારણે છેવાડાના માણસની ચિંતા કરાઈ છે. તેમણે ઉમેર્યું કે, વડાપ્રધાનના 25 વર્ષના સેવા અને સુશાસનની ઉજવણી થઈ રહી છે. મંત્રીએ ગ્રામજનોને નવા વિકાસ કામો ઝડપથી પૂરા કરવાનું આશ્વાસન આપ્યું. પૂર્વ સાંસદ દિનુભાઈ સોલંકીએ પણ વિકાસ માટે શુભેચ્છાઓ પાઠવી.’આંગણ ઉત્સવ’ હેઠળ, મંત્રીએ 90 દિવસ આંગણવાડીમાં હાજર રહેલા બાળકોને ‘પોષણ ચેમ્પિયન એવોર્ડ’ આપ્યા. આશા વર્કર બહેનોને બાળકો, સગર્ભા મહિલાઓ અને કિશોરીઓના આરોગ્ય માટે ઉત્કૃષ્ટ સેવા બદલ પ્રમાણપત્ર એનાયત કરાયા.