છોટા ઉદેપુરમાં યોજાનારી મેરેથોન 2.0 ની તૈયારીના ભાગરૂપે ટીશર્ટ અને કેપનું લોન્ચિંગ કરાયું છે. સેવા સદન ખાતે કલેક્ટર ગાર્ગી જૈનના હસ્તે આ લોન્ચિંગ થયું હતું. આગામી 13 ડિસેમ્બરે મેરેથોન 2.0 નું આયોજન કરાયું છે. તેમાં મોટી સંખ્યામાં લોકો ભાગ લે તે માટે તૈયારીઓ ચાલી રહી છે. મેરેથોન પહેલા પ્રી-ઇવેન્ટ્સ પણ યોજાઈ રહી છે. કલેક્ટર ગાર્ગી જૈને આ પ્રસંગે કહ્યું કે, આ મેરેથોન જિલ્લાની ઓળખ બનશે. તેમણે મેરેથોનને નવા સ્તરે લઈ જવાની વાત કરી અને વધુમાં વધુ લોકોને તેમાં જોડાવા અપીલ કરી.