અમદાવાદ શહેરના જાણીતા કાંકરિયા વિસ્તારમાં આવેલા એકા ક્લબ ખાતે પોલીસ વિભાગ દ્વારા એક પ્રેરણાદાયી સામાજિક પહેલ કરવામાં આવી છે. અમદાવાદ શહેર પોલીસના ઝોન-6 દ્વારા અહીં એક વિશાળ રક્તદાન કેમ્પનું ભવ્ય આયોજન કરવામાં આવ્યું હતું. પોલીસ વિભાગની આ માનવતાવાદી કામગીરીથી સમાજમાં સકારાત્મક સંદેશો વહેતો થયો છે.
પોલીસ કમિશનરની વિશેષ ઉપસ્થિતિથી વધ્યો રક્તદાતાઓનો ઉત્સાહ
આ રક્તદાન કેમ્પની ખાસ વિશેષતા એ રહી કે તેમાં શહેર પોલીસ કમિશનર ખુદ ઉપસ્થિત રહ્યા હતા. તેમણે સ્થળ પર પહોંચીને રક્તદાન કરનાર નાગરિકો અને પોલીસ કર્મીઓનો ઉત્સાહ વધાર્યો હતો. ઉચ્ચ અધિકારીઓની ઉપસ્થિતિના કારણે રક્તદાતાઓમાં ભારે ઉત્સાહ જોવા મળ્યો હતો અને મોટી સંખ્યામાં લોકોએ આગળ આવીને રક્તદાન કર્યું હતું.
‘ઓપરેશન મુસ્કાન’ અંતર્ગત થેલેસેમિયા ગ્રસ્ત બાળકો માટે સંકલ્પ
અમદાવાદ શહેર પોલીસ દ્વારા અવારનવાર ‘ઓપરેશન મુસ્કાન’ અંતર્ગત થેલેસેમિયા ગ્રસ્ત બાળકોની સહાય માટે રક્તદાન કેમ્પોનું આયોજન કરવામાં આવતું હોય છે. આજના આ કેમ્પનો મુખ્ય ઉદ્દેશ્ય પણ થેલેસેમિયાથી પીડિત માસૂમ બાળકો માટે પૂરતા પ્રમાણમાં લોક મળી રહે તે સુનિશ્ચિત કરવાનો છે.
800 યુનિટ રક્ત એકત્રિત કરવાનો મહત્ત્વપૂર્ણ ઉદ્દેશ
અમદાવાદ ઝોન-6 પોલીસ દ્વારા યોજાયેલા આ સેવાકીય કેમ્પમાં વ્યાપક આયોજન કરવામાં આવ્યું હતું, જેના અંતર્ગત આજના આ રક્તદાન કેમ્પમાં કુલ 800 યુનિટ જેટલું રક્ત એકત્રિત કરવાનો લક્ષ્યાંક અને ઉદ્દેશ રાખવામાં આવ્યો છે. પોલીસ જવાનો અને નાગરિકોના સહયોગથી આ ભગીરથ કાર્યને સફળ બનાવવા માટે વિશેષ પ્રયાસો હાથ ધરવામાં આવ્યા હતા.
આ પણ વાંચો: Ahmedabad રિવરફ્રન્ટના મલ્ટી લેવલ પાર્કિંગમાં વાહન સ્ટંટ મામલે AMCની લાલ આંખ, રૂ.1 લાખની ડિપોઝિટ જપ્ત