PGVCLના વેરાવળ વિભાગે વીજ બિલની બાકી રકમ વસૂલવા મેગા ડિસ્કનેક્શન ડ્રાઇવ ચલાવી. આ માટે 95 ટીમો મેદાનમાં ઉતરી હતી. ડ્રાઇવ દરમિયાન કુલ 1406 ગ્રાહકો પાસેથી 107.96 લાખ રૂપિયાની વસૂલાત થઈ. કાર્યવાહી પહેલા 1261 વીજ ગ્રાહકોએ 85.24 લાખ રૂપિયા ચૂકવી દીધા. જ્યારે બિલ નહીં ભરનારા 145 ગ્રાહકોના વીજ જોડાણો કાપી નાખવામાં આવ્યા હતા. આ જોડાણો સામે 22.72 લાખ રૂપિયા બાકી હતા. ડિસ્કનેક્ટ કરાયેલા જોડાણોમાંથી 72 ફરી ચાલુ કરાયા, જેના 6.53 લાખ રૂપિયા રિકનેક્શન ચાર્જ તરીકે વસૂલવામાં આવ્યા. આ ડ્રાઇવમાં અંકોલવાડી, પ્રભાસ પાટણ, પ્રાચી, સુત્રાપાડા, તાલાળા, વેરાવળ ટાઉન અને વેરાવળ GIDCની ટીમો જોડાઈ હતી. PGVCLએ ગ્રાહકોને સમયસર વીજ બિલ ભરવા અપીલ કરી છે, જેથી જોડાણ કાપવાની અને ફરી જોડવાની કાર્યવાહી ટાળી શકાય.