મોરબી મહાનગરપાલિકાએ પંચમુખી હનુમાનજી મંદિર હોલ ખાતે “સફાઈમિત્ર સુરક્ષા એવમ્ સન્માન શિબિર” યોજી. “સ્વચ્છતા હી સેવા–૨૦૨૬” અભિયાન અંતર્ગત સફાઈમિત્રોના આરોગ્ય, સુરક્ષા અને કલ્યાણ માટે માર્ગદર્શન આપવા યોજાઈ હતી. શિબિરમાં તેમને વિવિધ કલ્યાણકારી યોજનાઓ અને સુરક્ષા સંબંધિત માહિતી અપાઈ. National Level Webcastનું પ્રસારણ પણ કરાયું. આ કાર્યક્રમમાં મેયર ઉત્તમભાઈ સુરાણી, ડેપ્યુટી મેયર ચિરાગભાઈ રાણપરા, સ્ટેન્ડિંગ કમિટી ચેરમેન જયંતીભાઈ પડસુંબીયા, SWM શાખાના ચેરમેન મેઘરાજસિંહ ઝાલા, વાઈસ ચેરમેન હિરેનભાઈ કરોતરા, સ્ટેન્ડિંગ કમિટી સભ્ય ભુપતભાઈ જારીયા, મ્યુનિસિપલ કમિશનર સંગીતા રૈયાણી (IAS) અને નાયબ કમિશનર સંજયકુમાર સોની સહિતના પદાધિકારીઓ અને સફાઈમિત્રો ઉપસ્થિત રહ્યા. સફાઈમિત્રો અને તેમના પરિવારજનોને પ્રધાનમંત્રી આવાસ યોજના, શૌચાલય સુવિધા, ઉજ્જવલા યોજના, આયુષ્માન ભારત કાર્ડ અને સૌભાગ્ય યોજના જેવી યોજનાઓ વિશે માર્ગદર્શન અપાયું. મહાનગરપાલિકાએ સફાઈમિત્રોની કામગીરી બિરદાવી, તેમની સુરક્ષા, સન્માન અને સામાજિક-આર્થિક કલ્યાણ માટે સહાયની પ્રતિબદ્ધતા વ્યક્ત કરી.