મહીસાગર જિલ્લાના કરોડો રૂપિયાના નલ સે જલ કૌભાંડમાં CID ક્રાઈમે વધુ એક ધરપકડ કરી છે. તપાસનો દોર હવે પાણી સમિતિના સભ્યો સુધી પહોંચ્યો છે. દહેગામડા ગામના પાણી સમિતિના સભ્ય સચિવ પુનાભાઈ માલીવાડની ધરપકડ કરવામાં આવી છે. તેમના પર 1 લાખ 30 હજાર રૂપિયા લેવાનો આરોપ છે. આ કૌભાંડમાં CID ક્રાઈમે ફરિયાદ નોંધી હતી. શરૂઆતમાં વાસ્મો યુનિટ મેનેજર અને કર્મચારીઓ સામે ફરિયાદ થઈ હતી. પછી આઉટસોર્સિંગ કર્મચારીઓ, કોન્ટ્રાક્ટરો અને ગામના સરપંચોની ભૂમિકા પણ સામે આવી હતી. આ મામલે કેટલાક કર્મચારીઓ, કોન્ટ્રાક્ટરો અને સરપંચોની અગાઉ ધરપકડ થઈ ચૂકી છે. CID ક્રાઈમ પાસેથી મળેલી માહિતી મુજબ, નલ સે જલ કૌભાંડમાં અત્યાર સુધીમાં કુલ 63 આરોપીઓની ધરપકડ કરવામાં આવી છે. આ મામલે વધુ તપાસ ચાલી રહી છે અને આગામી સમયમાં વધુ વિગતો સામે આવી શકે છે.