યુઝવેન્દ્ર ચહલે ફર્સ્ટ ક્લાસ ક્રિકેટમાંથી નિવૃત્તિ જાહેર કરી છે. ભારતીય લેગ સ્પિનરે 2 ઓક્ટોબર 2026ના રોજ સોશિયલ મીડિયા પોસ્ટ દ્વારા રેડ-બોલ ક્રિકેટને અલવિદા કહ્યું. ચહલ ભારત માટે ક્યારેય ટેસ્ટ મેચ રમી શક્યો નહોતો, પરંતુ વનડે અને T20Iમાં તેની વાપસીની શક્યતા અંગે દરવાજો સંપૂર્ણપણે બંધ થયો નથી. તાજા અહેવાલો પણ તેમની ફર્સ્ટ ક્લાસ કારકિર્દીના અંતની પુષ્ટિ કરે છે

ચહલે ટેસ્ટ ક્રિકેટમાંથી નિવૃત્તિ જાહેર કરી

ચહલે પોતાની પોસ્ટમાં જણાવ્યું કે ફર્સ્ટ ક્લાસ ક્રિકેટ તેમના માટે માત્ર એક ફોર્મેટ નહોતું. આ ક્રિકેટએ તેમને ધીરજ રાખવાનું, મુશ્કેલ પરિસ્થિતિમાંથી બહાર આવવાનું અને લાંબા સમય સુધી મેદાન પર લડત આપવાનું શીખવ્યું. ટેસ્ટ ક્રિકેટમાં કલાકો સુધી મેદાન પર મહેનત કરવાનો અનુભવ તેમના માટે ખાસ રહ્યો છે.

મેં મારી છેલ્લી ફર્સ્ટ-ક્લાસ મેચ લોર્ડ્સમાં રમી હતી

યુઝવેન્દ્ર ચહલે ફર્સ્ટ-ક્લાસ ક્રિકેટમાંથી નિવૃત્તિની વાત પોતાના ચાહકો સાથે ઇન્સ્ટાગ્રામ પોસ્ટ દ્વારા શેર કરી, લખ્યું, “મેં પકડેલો પહેલો ક્રિકેટ બોલ લાલ હતો. હું 10 વર્ષનો હતો, અને મને ખબર નહોતી કે હું આ રમત સાથે કેટલો પ્રેમ કરીશ. લાલ બોલ ક્રિકેટ મારા માટે ક્યારેય બીજું ફોર્મેટ નહોતું. આ ફોર્મેટમાં જ મેં ધીરજનો સાચો આનંદ, પ્રતિકૂળતાનો સામનો કરવાની હિંમત અને કલાકો સુધી મેદાન પર રહેવાનો, દરેક રન અને દરેક વિકેટ માટે લડવાનો આનંદ શીખ્યા. મેં મારી છેલ્લી ફર્સ્ટ-ક્લાસ મેચ લોર્ડ્સમાં રમી હતી. આ કહેવું ભાવનાત્મક છે, કારણ કે ટેસ્ટ કેપ મેળવવી હંમેશા મારું સ્વપ્ન રહ્યું છે, જેને હું ઘણા વર્ષોથી પ્રેમ કરતો હતો. ભલે તે સ્વપ્ન સાકાર ન થયું, હું મારી સફરથી ખરેખર સંતુષ્ટ છું અને આ ફોર્મેટમાં મને મળેલી દરેક તક માટે અતિ આભારી છું.

ODI અને T20 માં મારા શ્રેષ્ઠ પ્રયાસો કરીશ

ઘણા સમયથી ટીમ ઈન્ડિયાની બહાર રહેલા યુઝવેન્દ્ર ચહલે ફર્સ્ટ-ક્લાસ ક્રિકેટમાંથી નિવૃત્તિની જાહેરાત કરતા લખ્યું કે તેમનામાં હજુ ઘણું ક્રિકેટ બાકી છે અને તેઓ ODI અને T20 ફોર્મેટમાં બીજી તક મેળવવા માટે પોતાનું સર્વસ્વ આપશે. ચહલે હરિયાણા ક્રિકેટ એસોસિએશન, શ્રી રણબીર સિંહ મહિન્દ્રા અને શ્રી અનિરુદ્ધ સિંહ ચૌધરીનો પણ તેમની રેડ-બોલ સફરમાં તેમને ટેકો આપવા બદલ આભાર માન્યો.

આ પણ વાંચો – ICC Rules :ICCનો માસ્ટરસ્ટ્રોક, હવે દરેક સેકન્ડનો હિસાબ રાખવો પડશે, ખેલાડીઓ માટે નવો નિયમ લાગુ!