અમદાવાદ ક્રાઇમ બ્રાન્ચે સુરક્ષા અને ટેક્નોલોજી ક્ષેત્રે વધુ એક ગૌરવવંતી સિદ્ધિ હાંસલ કરી છે. કોલકાતા ખાતે યોજાયેલી પ્રતિષ્ઠિત UIDAI-Aadhaar Conclave માં અમદાવાદ ક્રાઇમ બ્રાન્ચને વિશિષ્ટ Special Commendation Award એનાયત કરવામાં આવ્યો છે. ક્રાઇમ બ્રાન્ચના જોઈન્ટ કમિશનર દ્વારા આ ગૌરવપૂર્ણ એવોર્ડ સ્વીકારવામાં આવ્યો હતો.
પ્રથમ LEA અને Offline Verification Seeking Entity (OVSE) તરીકે સિદ્ધિ
અમદાવાદ ક્રાઇમ બ્રાન્ચ દેશની પ્રથમ લો એનફોર્સમેન્ટ એજન્સી (LEA) બની છે જે Offline Verification Seeking Entity (OVSE) તરીકે નોંધાઈ છે. આ પહેલ દ્વારા નાગરિકોની ગોપનીયતા (Privacy) જળવાઈ રહે અને સંપૂર્ણપણે સંમતિ આધારિત તેમજ સુરક્ષિત રીતે ડેટા વેરિફિકેશન થઈ શકે તે માટે નવી દિશા ખુલી છે.
આંતરિક રીતે વિકસિત ‘પાથિક’ અને ‘પ્રતિકાક્ષા’ પોર્ટલ
ક્રાઇમ બ્રાન્ચ દ્વારા ટેક્નોલોજીનો શ્રેષ્ઠ ઉપયોગ કરીને સુરક્ષા વ્યવસ્થાને મજબૂત બનાવવા માટે બે મહત્વના પોર્ટલ આંતરિક રીતે વિકસાવવામાં આવ્યા છે.
- Pathik પોર્ટલ: આ પોર્ટલની મદદથી હોટલોમાં રોકાતા મહેમાનોનું વેરિફિકેશન અત્યંત સરળ અને પારદર્શક બન્યું છે.
- Pratiraksha પોર્ટલ: આ પોર્ટલ દ્વારા કોઈપણ ક્ષેત્રના લેબર અને કર્મચારીઓનું વેરિફિકેશન સુરક્ષિત રીતે કરવામાં આવે છે.
ટેક્નોલોજી આધારિત પ્રાઇવસી-ફોકસ્ડ પહેલની પ્રશંસા
અમદાવાદ ક્રાઇમ બ્રાન્ચની આ અવિરત અને ટેક્નોલોજી આધારિત કામગીરીને રાષ્ટ્રીય સ્તરે બિરદાવવામાં આવી છે. આ નવીન પહેલથી ગુનાખોરી પર અંકુશ લગાવવામાં તેમજ સુરક્ષા વ્યવસ્થાને વધુ સચોટ બનાવવામાં મોટી મદદ મળી રહી છે.