16
સ્થાનિક રહીશોએ આક્ષેપ કર્યો છે કે, દૂષિત પાણીની સમસ્યા અંગે અગાઉ ગ્રામસભામાં સરપંચ તથા તલાટી-કમ-મંત્રીને લેખિતમાં સત્તાવાર રજૂઆત કરાઇ હતી. 2 ઓક્ટોબરના રોજ બીજી ગ્રામસભામાં પણ આ પ્રશ્ન ઉઠાવાયો હતો. આટલો સમય વીતવા છતાં પંચાયત તંત્ર કે સરપંચ દ્વારા સમસ્યાના નિરાકરણ માટે કોઈ નક્કર પગલાં લેવાયા નથી. ગંદુ અને દુર્ગંધયુક્ત પાણી પીવા મજબૂર બનેલા ગ્રામજનોમાં ટાઈફોઈડ, મરડો જેવા પાણીજન્ય રોગો ફેલાવાની દહેશત વ્યાપી છે.