વઢવાણના પાયલોટ સ્મિત મચ્છરે તાજેતરમાં 180 મુસાફરોના જીવ બચાવ્યા હતા. હાલ તેઓ ઝડપથી સ્વસ્થ થાય તે માટે વઢવાણમાં પ્રાર્થના અને ધાર્મિક કાર્યક્રમો યોજાઈ રહ્યા છે. આ જ ભાવના સાથે વઢવાણની ખાંડી પોળ ખાતે આવેલા પીઠડ માતાજીના મઢે મહાઆરતીનું આયોજન કરાયું હતું. મોટી સંખ્યામાં શ્રદ્ધાળુઓ ઉપસ્થિત રહ્યા હતા. શ્રદ્ધાળુઓએ પીઠડ માતાજીના ચરણોમાં પ્રાર્થના કરી હતી કે પાયલોટ સ્મિત મચ્છરને શક્તિ મળે, તેઓ ઝડપથી સ્વસ્થ થાય અને પરિવારજનો તથા વઢવાણવાસીઓ વચ્ચે પરત ફરે. આ કાર્યક્રમને સફળ બનાવવા માટે પૂજારી હસુભાઈ પરમાર, શશીકાંતભાઈ પરમાર અને ગોવિંદભાઈ પરમાર સહિતના આગેવાનો તથા સેવાભાવી કાર્યકરોએ પ્રયત્નો કર્યા હતા.