વલસાડ કલેક્ટર કચેરીમાં ગુજરાત રાજ્ય બાળ અધિકાર સંરક્ષણ આયોગના અધ્યક્ષ ધર્મિષ્ઠાબેન ગજ્જરની અધ્યક્ષતામાં બેઠક યોજાઈ. તેમાં બાળકોના અધિકારોની સુરક્ષા, બાળ સુરક્ષા, શિક્ષણ અને બાળલગ્ન રોકવા સહિતના મુદ્દાઓની સમીક્ષા કરાઈ. બેઠકમાં કલેક્ટર નીતિન સાંગવાન, DDO અતિરાગ ચપલોટ અને SP યુવરાજસિંહ જાડેજા સહિતના અધિકારીઓ હાજર રહ્યા. અધ્યક્ષ ગજ્જરે જણાવ્યું કે, આયોગ બાળકોના સંરક્ષણ માટે કામ કરે છે. ગુના કે શોષણના કિસ્સામાં 112 પર સંપર્ક કરવા અપીલ કરાઈ. જિલ્લા અધિકારીઓએ બાળકોના અધિકાર માટે સતત મોનિટરિંગ અને બાળલગ્ન રોકવા જાગૃતિ કાર્યક્રમોની માહિતી આપી. શાળાઓમાં પણ આવા કાર્યક્રમો યોજાયા છે. ચાઇલ્ડ પ્રોટેક્શન અધિકારીએ જણાવ્યું કે, છેલ્લા ત્રણ વર્ષમાં 159 બાળકોમાંથી 142 બાળકોનું CWC દ્વારા પુનર્વસન કરાયું છે. આંગણવાડીઓ, શાળાઓ અને આશ્રમશાળાઓમાં સુવિધાઓની પણ સમીક્ષા થઈ.