ગીર સોમનાથ પોલીસે ગેરકાયદેસર લાઇટ ફિશીંગ કરતા પાંચ બોટ માલિકો સામે ગુના દાખલ કર્યા છે. આ કાર્યવાહી ગુજરાત મત્સ્યોદ્યોગ અધિનિયમ હેઠળ થઈ.જુનાગઢ રેન્જ ડીઆઈજીપી રાજેન્દ્રસિંહ ચુડાસમા અને ગીર સોમનાથ પોલીસ અધિક્ષક જયદીપસિંહ જાડેજાની સૂચનાથી 5 ઓક્ટોબર, 2026 ના રોજ સોમનાથ મરીન અને એસઓજી સ્ટાફે વેરાવળ ઝાલેશ્વર દરિયાઈ વિસ્તારમાં બોટ ચેકિંગ કર્યું. ચેકિંગ દરમિયાન, પાંચ બોટ – IND-GJ-32-MO-5944 (મા કી દુવા), IND-GJ-32-MO-6694 (સીકન્દરી-2), IND-GJ-32-MO-5838 (સારે જહા સે અચ્છા હિન્દુસ્તાન હમારા), IND-GJ-32-MO-8172, અને IND-GJ-32-MO-6016 (સમા-6) – માં 40 થી 50 એલઈડી લાઈટોના ઝુમખા ગેરકાયદેસર રીતે લગાવી ફિશીંગ કરતા મળ્યા. આ બોટને કોસ્ટ ગાર્ડ જેટી વેરાવળ ખાતે લાવી, પાંચેય બોટ માલિકો સામે ગુજરાત મત્સ્યોદ્યોગ નિયમો/સુધારા-2020 અને ગુજરાત મત્સ્યોદ્યોગ અધિનિયમ 2003 મુજબ સોમનાથ મરીન પોલીસ સ્ટેશનમાં 5 ગુના નોંધાયા. આરોપીઓ અહેમદભાઈ અબુભાઈ લુચાણી, ઓસમાણભાઈ આમદભાઈ લુચાણી, જુસબભાઈ સુલેમાનભાઈ રાડીયા, ગુલામભાઈ કાસમભાઈ લુચાણી અને ગુલામહુસેનભાઈ ઓસ્માણભાઈ રાડીયા છે.