ભારતીય ટીમે વેસ્ટ ઈન્ડિઝ સામેની 5 મેચની T20 શ્રેણીની શરૂઆત શાનદાર જીત સાથે કરી છે. 6 ઓક્ટોબરે લખનઉના એકાના ક્રિકેટ સ્ટેડિયમમાં રમાયેલી પ્રથમ T20 મેચમાં ભારતે વેસ્ટ ઈન્ડિઝને 8 વિકેટે હરાવીને શ્રેણીમાં 1-0ની લીડ મેળવી લીધી છે. આ મેચમાં ભારતીય ટીમના કેપ્ટન શ્રેયસ ઐયરે શાનદાર સદી ફટકારીને પોતાની આગવી છાપ છોડી હતી.

શ્રેયસ ઐયરે સદી ફટકારી 

શ્રેયસ ઐયરે માત્ર 42 બોલમાં પોતાની પ્રથમ T20 આંતરરાષ્ટ્રીય સદી પૂરી કરી હતી. તેમની આ તોફાની ઇનિંગ્સ દરમિયાન તેમણે નાબાદ 102 રન બનાવ્યા હતા. તેમની સદી બાદ તેઓ T20 આંતરરાષ્ટ્રીય ક્રિકેટમાં કેપ્ટન તરીકે સદી ફટકારનારા પસંદગીના ભારતીય ખેલાડીઓની યાદીમાં સામેલ થઈ ગયા છે.

કેપ્ટન તરીકે સદી ફટકારનારા ભારતીયોની યાદીમાં ઐય્યર

T20 આંતરરાષ્ટ્રીય ક્રિકેટમાં ભારતીય કેપ્ટન તરીકે સૌથી વધુ સદી ફટકારવાનો રેકોર્ડ રોહિત શર્માના નામે છે. રોહિતે કેપ્ટન તરીકે 3 સદી ફટકારી છે. સૂર્યકુમાર યાદવે પણ 2023માં દક્ષિણ આફ્રિકા સામે કેપ્ટન તરીકે સદી ફટકારી હતી.હવે શ્રેયસ અય્યરે પણ આ યાદીમાં પોતાનું નામ નોંધાવી દીધું છે. તેમની સદીની ખાસ વાત એ છે કે તેઓ T20 આંતરરાષ્ટ્રીય ક્રિકેટમાં રનનો પીછો કરતી વખતે સદી ફટકારનારા ભારતીય કેપ્ટન બન્યા છે.

ઐય્યર બન્યા ભારતના બીજા સૌથી ઝડપી કેપ્ટન સદીવીર

શ્રેયસ ઐયરની 42 બોલમાં સદીએ તેમને વધુ એક ખાસ યાદીમાં સ્થાન અપાવ્યું છે. ભારતીય કેપ્ટન તરીકે T20Iમાં સૌથી ઝડપી સદી ફટકારવાનો રેકોર્ડ રોહિત શર્માના નામે છે. રોહિતે 2017માં શ્રીલંકા સામે માત્ર 35 બોલમાં સદી ફટકારી હતી.હવે 42 બોલમાં સદી સાથે શ્રેયસ અય્યર આ યાદીમાં બીજા સ્થાને છે. ફુલ-મેમ્બર ટીમોના કેપ્ટનોમાં 42 બોલમાં સદી ફટકારનાર અય્યર ઈંગ્લેન્ડના હેરી બ્રુક સાથે સંયુક્ત ચોથા સ્થાને છે.આ યાદીમાં ઝિમ્બાબ્વેના સિકંદર રઝા 33 બોલમાં સદી સાથે ટોચ પર છે. રોહિત શર્મા 35 બોલમાં સદી સાથે બીજા સ્થાને છે.

ફુલ-મેમ્બર ટીમોના કેપ્ટનોની સૌથી ઝડપી T20I સદી

• 33 બોલ – સિકંદર રઝા, ઝિમ્બાબ્વે
• 35 બોલ – રોહિત શર્મા, ભારત
• 42 બોલ – હેરી બ્રુક, ઈંગ્લેન્ડ
• 42 બોલ – શ્રેયસ અય્યર, ભારત
• 46 બોલ – ફાફ ડુ પ્લેસિસ, દક્ષિણ આફ્રિકા

ઐયરે ટીમના ભવિષ્ય અંગે કર્યો મોટો દાવો

મેચ બાદ શ્રેયસ ઐયરે ટીમના પ્રદર્શન અને ખેલાડીઓની માનસિકતા અંગે વાત કરી હતી. તેમણે સંકેત આપ્યો કે જો ભારતીય ટીમ આ જ આક્રમક અને સકારાત્મક માનસિકતા સાથે રમતી રહેશે તો ટીમ આગામી મેચોમાં વધુ ખતરનાક બની શકે છે.પ્રથમ મેચમાં ભારતીય બેટર્સે લક્ષ્યનો પીછો કરતી વખતે આત્મવિશ્વાસભર્યું પ્રદર્શન કર્યું હતું. શ્રેયસ અય્યરની સદીથી ટીમને મજબૂત શરૂઆત મળી અને ભારતે વેસ્ટ ઈન્ડિઝ સામે 8 વિકેટથી સરળ જીત મેળવી.હવે ભારતીય ટીમની નજર શ્રેણીની બીજી T20 મેચ પર રહેશે. પ્રથમ મેચમાં મળેલી જીત બાદ ટીમ ઈન્ડિયા 1-0થી આગળ છે અને શ્રેયસ અય્યરની આગેવાનીમાં ટીમ શ્રેણીમાં પોતાની લીડ વધુ મજબૂત કરવા મેદાનમાં ઉતરશે.

આ પણ વાંચો – IND vs NZ t20 series squad : ન્યૂઝીલેન્ડ પ્રવાસ માટે ટીમ ઈન્ડિયા જાહેર,આ સ્ટાર બોલરની એન્ટ્રી