ભારતીય ટીમે વેસ્ટ ઈન્ડિઝ સામેની 5 મેચની T20 શ્રેણીની શરૂઆત શાનદાર જીત સાથે કરી છે. લખનઉના એકાના સ્ટેડિયમમાં રમાયેલી પ્રથમ T20 મેચમાં ભારતે વેસ્ટ ઈન્ડિઝના 172 રનના લક્ષ્યનો માત્ર 14.4 ઓવરમાં 2 વિકેટ ગુમાવીને સફળતાપૂર્વક પીછો કર્યો. આ જીતના સૌથી મોટા હીરો ભારતીય કેપ્ટન શ્રેયસ ઐયર રહ્યા હતા.શ્રેયસ ઐયરે આ મેચમાં તોફાની બેટિંગ કરતાં માત્ર 42 બોલમાં પોતાની પ્રથમ T20 આંતરરાષ્ટ્રીય સદી ફટકારી હતી. તેમની શાનદાર ઇનિંગ્સે ભારતને સરળ જીત અપાવવામાં મહત્વની ભૂમિકા ભજવી હતી. મેચ બાદ અય્યરે ટીમ ઈન્ડિયાની રમત અને માનસિકતા અંગે મોટું નિવેદન આપ્યું હતું.

પ્રથમ T20I સદી બાદ ઐયર ખુશખુશાલ

મેચ બાદની વાતચીત દરમિયાન શ્રેયસ ઐયર પોતાની પ્રથમ T20I સદીથી ખૂબ ખુશ જોવા મળ્યા હતા. તેમણે કહ્યું કે લાંબા સમયથી તેઓ T20 આંતરરાષ્ટ્રીય ક્રિકેટમાં સદી ફટકારવાનું સપનું જોઈ રહ્યા હતા અને આખરે તેમનું આ સપનું પૂરું થયું છે.અય્યરે પોતાની સદીના અનુભવને ખાસ ગણાવ્યો હતો. તેમણે પોતાની ઇનિંગ્સ અંગે વાત કરતાં કહ્યું કે આ પારી એ વાતનો પુરાવો છે કે જો કોઈ વ્યક્તિ સતત મહેનત કરે અને પોતાના લક્ષ્ય માટે પ્રયત્ન કરતો રહે, તો તેના સપના ચોક્કસપણે સાકાર થઈ શકે છે.

ટીમ ઈન્ડિયાના માઈન્ડસેટ પર ઐયરનું મોટું નિવેદન

શ્રેયસ અય્યરે ભારતીય ટીમની માનસિકતા અંગે પણ મહત્વની વાત કરી હતી. તેમણે કહ્યું કે જીતનો અનુભવ હંમેશા ખાસ હોય છે અને ભારતીય ટીમના ડ્રેસિંગ રૂમમાં પણ આ જ બાબત અંગે ચર્ચા થાય છે.અય્યરે જણાવ્યું કે ટીમનો એક સરળ નિયમ છે કે જે ખેલાડીનો દિવસ હોય તેણે મેચને અંત સુધી લઈ જવાની જવાબદારી લેવી જોઈએ. લખનઉમાં તેમનો દિવસ હતો, તેથી તેમણે ટીમ માટે મેચ પૂરી કરી. અગાઉની કેટલીક મેચોમાં ટીમના અન્ય બેટર્સે આ જવાબદારી નિભાવી હતી.ભારતીય કેપ્ટને ટીમના તમામ ખેલાડીઓના પ્રદર્શનની પ્રશંસા કરતાં કહ્યું કે ટીમે બેટિંગ, બોલિંગ અને ફિલ્ડિંગ સહિત શાનદાર ઓલરાઉન્ડ રમત બતાવી છે. જો ભારતીય ટીમ આ જ આક્રમક વિચારસરણી સાથે રમતી રહેશે, તો તે આવનારા સમયમાં T20 ક્રિકેટની સૌથી ખતરનાક ટીમોમાંથી એક બની શકે છે.

સદી સાથે અય્યરે અનેક રેકોર્ડ બનાવ્યા

વેસ્ટ ઈન્ડિઝ સામેની સદી સાથે શ્રેયસ અય્યરે પોતાના નામે અનેક મહત્વપૂર્ણ રેકોર્ડ નોંધાવ્યા છે. તેઓ T20I ક્રિકેટમાં સદી ફટકારનારા ભારતના ત્રીજા કેપ્ટન બન્યા છે. તેમના પહેલાં રોહિત શર્મા અને સૂર્યકુમાર યાદવ આ સિદ્ધિ મેળવી ચૂક્યા છે.અય્યરની સદીની સૌથી ખાસ વાત એ છે કે તેમણે લક્ષ્યનો પીછો કરતી વખતે આ સદી ફટકારી હતી. આમ, T20Iમાં રન ચેઝ દરમિયાન સદી ફટકારનારા તેઓ ભારતના પ્રથમ કેપ્ટન બન્યા છે.આ પહેલા વિરાટ કોહલીએ 2019માં વેસ્ટ ઈન્ડિઝ સામે રન ચેઝ દરમિયાન નાબાદ 94 રનની શાનદાર ઇનિંગ્સ રમી હતી, પરંતુ તે સદી સુધી પહોંચી શક્યા નહોતા.

આ પણ વાંચો – IND vs NZ t20 series squad : ન્યૂઝીલેન્ડ પ્રવાસ માટે ટીમ ઈન્ડિયા જાહેર,આ સ્ટાર બોલરની એન્ટ્રી