અરવલ્લી જિલ્લાના અંતરિયાળ વિસ્તારોમાં નાગરિકોને નજીકના સ્થળે આરોગ્ય સેવાઓ મળે તે માટે આરોગ્ય વિભાગે નિરામય કેમ્પ યોજ્યો હતો. આ કેમ્પ ભિલોડા તાલુકાના ભાણમેર ગામમાં આવેલી મનરેગા રાહત સાઈટ ખાતે આયુષ્માન આરોગ્ય મંદિર-ભાણમેરના સ્ટાફ દ્વારા કરાયો હતો. કેમ્પમાં મનરેગા કામદારો અને સ્થાનિક લોકોને બિનચેપી રોગો (NCD)ની વહેલી ઓળખ માટે તપાસવામાં આવ્યા. તેમાં બ્લડ પ્રેશર અને બ્લડ શુગર જેવી જરૂરી તપાસ કરાઈ હતી. તપાસણીમાં જોખમ ધરાવતા લોકોને આરોગ્ય માર્ગદર્શન અપાયું અને જરૂર મુજબ વધુ સારવાર માટે જોડવામાં આવ્યા. તેમને સ્વસ્થ જીવનશૈલી, યોગ્ય આહાર, નિયમિત કસરત અને બિનચેપી રોગોથી બચવા વિશે પણ શીખવવામાં આવ્યું. કેમ્પમાં તપાસ પછી જરૂરિયાત મુજબ દવાઓ પણ વહેંચવામાં આવી. આ પ્રયાસથી મનરેગા કામદારો અને સ્થાનિક નાગરિકોને તેમના કાર્યસ્થળ નજીક જ પ્રાથમિક આરોગ્ય સેવાઓનો સરળતાથી લાભ મળ્યો.