અરવલ્લી જિલ્લામાં “વિકસિત ભારત સંકલ્પ સભા અને સેવા જ્યોતિ યાત્રા-૨૦૨૬” કાર્યક્રમ યોજાયો. જેમાં પ્રભારી મંત્રી રમણભાઈ સોલંકી હાજર રહ્યા હતા. કાર્યક્રમ દરમિયાન, વિવિધ સરકારી યોજનાઓના લાભાર્થીઓને કેન્દ્ર અને રાજ્ય સરકારના લાભોનું વિતરણ કરાયું. મંત્રી રમણભાઈ સોલંકીએ વિકસિત ભારતના સંકલ્પ માટે સૌના સહયોગની અપીલ કરી. આ પ્રસંગે વડાપ્રધાન અને રાષ્ટ્રીય અધ્યક્ષનું વર્ચ્યુઅલ સંબોધન થયું. તેમના સંબોધનથી નાગરિકો અને કાર્યકરોમાં ઉત્સાહ વધ્યો. યાત્રાનો ઉદ્દેશ સેવા, સંકલ્પ અને રાષ્ટ્રનિર્માણનો સંદેશ લોકો સુધી પહોંચાડવાનો હતો. કાર્યક્રમના અંતે સભાસ્થળથી મોડાસાના ઉમિયા મંદિર સુધી મશાલ રેલી યોજાઈ. આ યાત્રામાં મોટી સંખ્યામાં યુવાનો, કાર્યકરો અને નાગરિકોએ ભાગ લીધો. મશાલની જ્યોતિ દ્વારા સેવા, વિકાસ અને રાષ્ટ્રનિર્માણનો સંકલ્પ મજબૂત કરવાનો સંદેશ અપાયો. આ કાર્યક્રમમાં જિલ્લા વહીવટી તંત્ર, પોલીસ અધિકારીઓ, ધારાસભ્યો, નગરપાલિકા પ્રમુખ અને સ્થાનિક આગેવાનો ઉપસ્થિત રહ્યા હતા. કાર્યક્રમનો મુખ્ય સંદેશ વિકસિત ભારતના સંકલ્પ સાથે જનભાગીદારી અને સેવાભાવનાને મજબૂત કરવાનો હતો.