સુરેન્દ્રનગર બસ સ્ટેશન પર એસ.ટી. કર્મચારીઓની સમયસૂચકતાથી એક પરપ્રાંતીય મુસાફરને તેનો કિંમતી સામાન પાછો મળ્યો, જે ભાષા ન સમજાતાં ખોટી બસમાં ચડી જવાને કારણે છૂટી ગયો હતો. અંજન ડાયસ નામના મુસાફરને અમદાવાદ-માંડવી રૂટની બસમાં જવાનું હતું. ગુજરાતી ન સમજાતાં તેઓ પ્લેટફોર્મ 9 પર ઊભેલી ધંધુકા બસમાં ભૂલથી બેસી ગયા. બસ ઉપડતાં પહેલાં ભૂલ સમજાઈ અને તેઓ નીચે ઉતરી ગયા, પણ બેગ બસમાં જ રહી ગઈ. સામાન છૂટી જતાં મુસાફરે તરત કંટ્રોલર રાણાનો સંપર્ક કર્યો. કંટ્રોલરે તાત્કાલિક કંડક્ટરનો સંપર્ક કરી સામાન સુરક્ષિત રાખવા જણાવ્યું. કંડક્ટરે બેગ સુરક્ષિત રાખી ડેપો પરત પહોંચાડી. રાણાએ મુસાફરને તેનો સામાન પરત સોંપ્યો. મૂળ બસ નીકળી ગઈ હોવાથી, સ્ટાફે તેને ધંધુકા તરફ જતી બીજી બસમાં બેસાડી આગળની મુસાફરીમાં પણ મદદ કરી. મુસાફરે એસ.ટી. સ્ટાફનો આભાર માન્યો.