મોરબીના પંચાસર રોડ પર સાવરની પાળ પાસેથી ગઇકાલે દબાણ હટાવાયું. 25 હજાર સ્ક્વેર મીટર સરકારી જમીન દબાણમુક્ત કરાઈ. આજે ત્યાંથી કાટમાળ હટાવવાનું કામ ચાલી રહ્યું છે. ગાર્ડન શાખાના ચેરમેન અલ્પબેન કંઝારીયાએ જણાવ્યું કે, આ જગ્યા પર 10 કરોડના ખર્ચે બ્યુટીફીકેશન અને લેક ડેવલોપમેન્ટ કરાશે. મહાપાલિકાએ 187 આસામીઓને નોટિસ આપી હતી. લોકોએ ઘર ખાલી કર્યા, પણ બાંધકામ તોડ્યા ન હતા. સવારે 8 વાગ્યાથી શરૂ થયેલી કામગીરીમાં 4 હિટાચી, 10 જેસીબી અને 10 ટ્રેક્ટર કામે લગાડાયા. મોડી રાત સુધીમાં 250 થી વધુ ગેરકાયદે બાંધકામો તોડી પડાયા. 80 કરોડની બજાર કિંમતની જમીન ખાલી કરાઈ. સિટી ઇજનેર હિતેશભાઈ આદ્રોજાએ માહિતી આપી કે, બ્યુટીફીકેશન અને લેક ડેવલપમેન્ટનું કામ ઝડપથી શરૂ થશે. ડી.પી.આર. બની રહ્યો છે. મંજૂરી મળ્યા બાદ ટેન્ડર પ્રક્રિયાથી કામ અપાશે. આ પ્રોજેક્ટથી મોરબીના લોકોને હરવા ફરવા માટે એક ઉત્તમ સ્થળ મળશે.